قایمقامی موسڵ: سەرۆك وەزیران بەڵێنی دا بە شێوەیەكی شەخسی بەدواداچوون بۆ پڕۆژەكانی گەشەپێدانی نەینەوا بكات
ناوخۆ
- 12-05-2023, 21:36
بەغدا - INA
ئەمین ئیبراهیم قایمقامی مووسڵ ئەمڕۆ هەینی دووپاتیكردەوە كە محمد شیاع سودانی سەرۆكی ئەنجومەنی وەزیران لە میانی سەردانەكەیدا بۆ شارەكە بەدواداچوونی شەخسی بۆ گەشەپێدان و پڕۆژە وەزارییەكانی نەینەوا بكات و چارەسەری دواكەوتنی كەڵەكەبووەكان بكات.
ئیبراهیم بە (العراقییە نیوز)ی ڕاگەیاند و دوای ئەوەش ئاژانسی هەواڵی عێراقی (INA) : كە سەردانەكەی سەرۆكی ئەنجومەنی وەزیران بۆ شارەكە كاریگەری قوڵی هەبوو، ئەمەش گرنگیدانی حكومەتی بە پارێزگاری نەینەوا و خەڵكەكەی پشتڕاستكردەوە، هەروەها هەمووان گەشبینن بە ڕێنماییەكان لەوێدا دەرچووە.
ئاماژەی بەوەشكرد : سەرۆكی ئەنجومەنی وەزیران لە سەردانەكەدا بەڵێنیدا بەدواداچوونی شەخسی بۆ پڕۆژەكانی گەشەپێدان و وەزاری نەینەوا بكات و چارەسەری دواكەوتنەكانیان بكات و هاوكات بەڵێنیدا بە پڕۆژەكانی داهاتوو لەوانە ئەوانەی پەیوەندییان بە لایەنی تەندروستییەوە هەیە، بۆ پشتڕاستكردنەوەی ئەو ئەولەویەتە لە بەرنامەی حكومەتدا، هەروەها پڕۆژە بۆ ڕێگاوبان و پردەكان.
لە درێژەی قسەكانیدا : سەرۆكی ئەنجومەنی وەزیران سەردانەكەی بۆ نەینەوا دەستپێكرد بە چوون بۆ بەنداوی موسڵ بۆ پشتڕاستكردنەوەی گرنگی ئەم بەنداوە، كە بە درێژایی سەردەمی كەمی ئاوی بۆ پارێزگاكانی باكور و ناوەڕاست و باشوور دابین دەكرد.
ئەمڕۆ ی ئەنجومەنی وەزیران سەردانێكی بۆ شاری موسڵ كرد، لەو ماوەیەدا سەرپەرشتی كردنەوەی نەشتەرگەریی نەخۆشخانەی حەدبای كرد كە پسپۆڕە لە بواری خوێن و چاندنی مۆخی ئێسك و جەختی لەوە كردەوە كە حكومەت كەرتی تەندروستی خستۆتە سەرووی ئەولەویەتەكانی خۆیەوە.
سەرۆكی ئەنجومەنی وەزیران سەردانی پڕۆژەی فڕۆكەخانەی نێودەوڵەتی موسڵی كرد، بۆ بینینی كارە بەردەوامەكانی نۆژەنكردنەوە و ئاوەدانكردنەوە و جەختی لە پێویستی پابەندبوون بەو وادەی دیاریكراو كرد بۆ تەواوكردنی فڕۆكەخانەكە.
هەروەها سەرۆكی ئەنجومەنی وەزیران سەردانی مزگەوتی پێغەمبەر یونس (د.خ)ی كرد لە كەناراوەكانی چەپی شاری موسڵ، هەروەها مزگەوتی گەورەی نووری كە لە كەناراوی ڕاستەوەیە لە سەنتەری شاری موسڵی كۆنە.
