هەواڵگری فیدڕاڵی 4 تیرۆریست لە سەڵاحەدین دەستگیر دەكات
ئەمنی
- 13-04-2023, 17:35
بەغداد - INA
وەزارەتی ناوخۆ ئەمڕۆ پێنجشەممە ڕایگەیاند: دەزگای هەواڵگری و لێكۆڵینەوەی فیدراڵی 4 تیرۆریستی لە سەڵاحەدین دەستگیركرد.
وەزارەت لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: بەپێی زانیارییە دروستەكان لە بنكە هەواڵدەرەكان و بەپێی فەرمانی دادوەریی ، دەزگای هەواڵگری توانی چوار كەس لە ناوچە جیاوازەكانی پارێزگای سەڵاحەدین سەر بە چەتە تیرۆریستییەكانی داعش دەستگیربكات.
ئاماژەی بەوەشكرد: ئەوانەی دەستگیركراون بەگوێرەی ماددەی چواری تیرۆر داواكراون و دوای لێكۆڵینەوە دانیان بەوەداناوە كە چەندین تاوانی تیرۆریستیان ئەنجامداوە لە ماوەی ساڵانی پێشوودا و ڕێوشوێنی یاسایی لە دژیان گیراوەتەبەر.
