دەستەی كەشناسی رونكردنەوە لەبارەی هاتنی شەپۆلی خۆڵبارین لە چەند ڕۆژی داهاتوودا دەدات
ناوخۆ
- 6-04-2023, 20:53
بەغداد - INA
دەستەی كەشناسی ئەمڕۆ پێنجشەممە ڕایگەیاند: لە چەند ڕۆژی كەمی داهاتوودا هیچ ئاماژەیەك بە شەپۆلی خۆڵبارین نیە.
بەڕێوەبەری ڕاگەیاندنی دەستەكە عامر جابری بە ئاژانسی هەواڵی عێراقی ڕاگەیاند: دەستەكە پەیوەندی بە بەشی پێشبینی كەشوهەواوە كردوە، كە ڕاپۆرتی 48 كاتژمێر پێش ڕوودانی هەر شەپۆلێكی باران بارین یان زریانێك كە كاریگەری لەسەر وڵات هەیە بڵاو دەكاتەوە، وتیشی: پێشبینییەكان ئاماژە بە بوونی زریانی خۆڵبارین ناكەن و لەوانەیە بەرزبوونەوەیەكی سنوورداری تۆز هەبێت.
ئاماژەی بەوەشكرد: ئەو زانیارییانەی لە تۆڕە كۆمەڵایەتییەكاندا بڵاودەكرێنەوە دەربارەی كەش و هەوای هەفتەكانی داهاتوو ڕاست نین، چونكە وڵاتەكە كاریگەری لەسەر گۆڕانی كەشوهەوا و ناسەقامگیری هەیە.
رونیشیكردەوە: پێشبینییەكانی كەش و هەوا كە لەلایەن دەستەی كەشناسییەوە بڵاودەكرێتەوە، هەموو 12 كاتژمێر جارێك زانیارییەكان نوێ دەكاتەوە.
