عێراق و پۆڵەندا پرۆتۆكۆلێكی كاركردنیان واژۆكرد بۆ پەرەپێدانی توانای هێزەكانی پاسەوانی سنوری عێراق

سیاسی

6-04-2023, 17:33

+A -A

بەغداد - INA

وەزارەتی دەرەوەی عێراق ئەمرۆ پێنجشەممە ڕایگەیاند: عێراق و پۆڵەندا پرۆتۆكۆلێكی كاركردنیان واژۆكرد بۆ پەرەپێدانی توانای هێزەكانی پاسەوانی سنوری عێراق.

وتەبێژی وەزارەت ئەحمەد سەحاف لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لە لایەنی عێراقیەوە، سەرۆكی بەشی ئەوروپا لە بارەگای وەزارەت، باڵیۆز حەیدەر عەزاری و لەلایەنی پۆڵەندی جێگری فەرماندەی گشتی پاسەوانی سنووری پۆڵەندا ژەنەڕاڵ گریگۆری نیمیس، بە ئامادەبوونی سەرپەرشتیاری كاری بە وەكالەتی باڵیۆزخانەی كۆماری عێراق لە كۆماری پۆڵەندا، میقداد ئەیوب مەندەلاوی و نوێنەرانی لایەنەكانی عێراق و پۆڵەندا پرۆتۆكۆڵێكیان واژۆكرا.

سەحاف وتی: ئەم ڕێككەوتنە ئاڵوگۆڕی ئەزموونەكانی نێوان هەردوولا و خولی ڕاهێنانی سیستماتیكی بۆ پاسەوانانی سنووری عێراق لە پۆڵەندا دەگرێتەوە كە لەگەڵ پێداویستییەكانی هێزەكانی پاسەوانی سنووری عێراقدا دەگونجێت.

بەگوێرەی بەیاننامەكە، حەیدەر عەزاری دوای مەراسیمی واژۆكردن ئاماژەی بۆ ئەوەكرد: كۆتایی هاتنی پرۆتۆكۆڵی كاركردن بۆ بەهێزكردنی هەماهەنگی هاوبەشی نێوان كۆماری عێراق و كۆماری پۆڵەندا و بەهێزكردنی پەیوەندییە دۆستانەكانی نێوان هەردوو وڵات كە بۆ چەندین دەیە درێژ دەبێتەوە.

لە لایەكی دیكەوە، ژەنەڕاڵ گریگۆری خۆشحاڵی خۆی دەربڕی بە كۆتایی هاتنی ئەم پرۆتۆكۆڵە و هیوای خۆی دەربڕی بۆ بەردەوامبوونی هاریكارییەكان لەگەڵ عێراق بۆ خزمەتكردنی بەرژەوەندییەكانی هەردوو وڵاتی دۆست.

بەگوێرەی بەیاننامەكە، ڕێوڕەسمی ئیمزاكردنی فەرمی لە بارەگای پاسەوانی سنووری پۆڵەندا لە شاری وارشۆی پایتەخت بەڕێوەچوو.