هەواڵگری و ئاسایش لە بەغداد دەست بەسەر چاڵێكدا دەگرن كە بۆ قاچاغبردنی بەرهەمە نەوتییەكان بەكارهێنراوە
ئەمنی
- 5-04-2023, 19:47
بەغداد - INA
بەڕێوەبەرایەتی هەواڵگری و ئاسایش ئەمرۆ چوارشەممە دەستبەسەرداگرتنی چاڵێكی بەقاچاغبردنی بەرهەمە نەوتییەكان لە بەغدا و بڕێك ماددەی هۆشبەری ڕاگەیاند.
بەڕێوەبەرایەتییەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: هێزەكانی بەڕێوەبەرایەتی هەواڵگری و ئاسایش توانیان دەستبەسەر چاڵێكدا بگرن كە بۆ قاچاغبردنی بەرهەمە نەوتیەكان لە ناوچەی ئوم كبر و غەزلان لە بەغدا بەكارهێنراوە، هەروەها لەناو شوێنەكەدا (8) تانكی گەورەیان دۆزییەوە كە بەرهەمی نەوتی تێدابوو، لەگەڵ 3 مۆتۆرسیكل، و ئاشكراشیكرد: ڕاپۆرتێكی سەرەتایی لەبارەی دەستبەسەرداگیراوەكان بەمەبەستی رادەستكردنی بە لایەنی تایبەتمەند ئامادەكراوە.
ئاماژەی بەوەشكردووە، بەڕێوەبەرایەتییەكە یەكێك لە تۆمەتبارەكانی بە تۆمەتی دزی لە ماڵان لە ناوچەیەك دەستگیركردووە و تۆمەتبارەكەش ڕادەستی نەهێشتنی تاوان كراوە.
هەر لە بەیاننامەكەدا هاتووە: هێزەكانی بەڕێوەبەرایەتی هەواڵگری و ئاسایشی دیوانیە توانیویان بە هەماهەنگی لەگەڵ كاروباری ماددە هۆشبەرەكاندا دوو بازرگانی ماددەی بە تاوانی ئاشكرا دەستگیربكەن كە 1100 حەبی هۆشبەریان پێبووە، لەگەڵ (560) گرام ماددەی هۆشبەر لەجۆری كریستاڵ.
