کەشناسی عێڕاق ..... تەپوتۆزدەبێت وپلەکانی گەرماش نزم دەبنەوە

ناوخۆ

4-04-2023, 10:54

+A -A

بەغداد/ INA

کەشناسی ئەمڕۆ ڕۆژی سێشەممە باری کەشوهەوای بۆ ڕۆژانی داهاتوو ڕاگەیاند .

بەیاننامەی کەشناسی کە دەست ئاژانسی هەواڵی عێڕاقی کەوت وتی کەشوهەوا سبەی تەماوی دەبێت و لە باشووری ڕۆژهەڵاتیشەوە بایەکی سووک هەڵدەکات ، شەویش ڕەوشی بایەکە

دەبێتە باکووری ڕۆژاوا کە پاشان تەپوتۆزی لە ناوەڕاست و باکوور پێهەڵدەستێت ،لەباشووریش نیمچە هەور دەبێت وپلەکانی گەرما لەڕۆژی پێشتر هەندێک بەرزتر دەبێتەوە.

ڕۆژی پێنجشەممەش ساف دەبێت و وهەندێک هەوردەبێت و بایەک لە باکووری ڕۆژاوا هەڵدەکات و تەپوتۆزی لێ دروست دەبێت، لەباکووریش ساف وهەندێک هەوریش دەبێت،

لەباشووریش نیمچە هەوروڕێژنەباران و بروسکە دەبێت، پلەکانی گەرماش لە سەرانسەری وڵات لەڕۆژی پێشتر نزمتر دەبێت.

ڕۆژی هەینیش ساف دەبێت و پلەکانی گەرماش لەناوچەی ناوەڕاست بەرزدەبێتەوە، کەچی لەباکوور نیمچەهەور دەبێت و پلەکانی گەرماش نزیک ڕۆژی پێشتر دەبێت، لەباشووریش نیمچەهەوردەبێت و پلەکانی گەرماش لەڕۆژی پێشتر نزمتر دەبێت.

ڕۆژی شەممەش لەناوچەکانی ناوەڕاست و باکوور نیمچەهەوردەبێت ، کەچی لە باشوور ساف وهەندێک هەوردەبێت و پلەکانی گەرماش لە سەرانسەری وڵات لەڕۆژی پێشتر بەرزتردەبنەوە.