وەزیری ئاوەدانكردنەوە وادەیەك بۆ دەستپێكردنی پاكێجی یەكەم بۆ پڕۆژەكانی کەمکردنەوەی قەڕەباڵغی لە بەغدا دیاری دەكات
ناوخۆ
- 23-03-2023, 15:00
بەغدا - INA - نەسار حاج
ئەمڕۆ پێنجشەممە، بەنگین ڕیكانی، وەزیری بیناسازی و شارەوانی، وادەی دەستپێكردنی یەكەم پاكێجی پڕۆژەكانی كەمكردنەوەی قەرەباڵغی لە بەغدا دیاریكرد.
ڕیكانی بە ئاژانسی هەواڵی عێراقی ڕاگەیاند، "وادەی دەستپێكردنی پڕۆژەكانی دروستكردنی پرد و تونێل لە چوارچێوەی یەكەم پاكێج بۆ نەهێتنی قەرەباڵغی هاتوچۆ لە بەغدا لە ناوەڕاستی مانگی نیسانی داهاتوو دەبێت".
ئاماژەی بەوەشكرد، "ئەم پڕۆژانە یەك لە دوای یەك بەردەوام دەبن".
محەممەد شیاع سودانی، سەرۆكوەزیران، پێشتر، دەستپێكردنی یەكەم پاكێجی پڕۆژەكانی بۆ دەربازبوون لە قەرەباڵغی هاتوچۆ لە بەغدا ڕاگەیاند.
پاكێجی یەكەم ١٦ پڕۆژەی پەیوەست بە پەرەپێدان و دروستكردنی ڕێگاوبان و پرد و ئۆڤەرپاس لەخۆدەگرێت كە دیارترینیان:
• دروستكردنی پردی نوێی بانكی ناوەندی كە شەقامی زەها حەدید لە دیوی ڕوسەفەوە بە نزیكبوونەوەكانی گۆڕەپانی نسوور لە كەرخ بەیەكەوە دەبەستێتەوە.
• دروستكردنی پردێك لە چوارڕێیانی مەسافی و بەستنەوەی پردی دوو قات بە پردی هەڵواسراو و دروستكردنی تونێلی گۆڕەپانی ئەحمەد عەرابی.
دروستكردنی پردی زەعفەرانییە بۆ بەستنەوەی ناوچەی زەعفەرانییە بە ڕێگای سەرەكی دۆرە- یوسفیە بۆ هاتوچۆی خێرا، لە شەقامی كۆمپانیاكانەوە لە دیوی رەسافە دەست پێدەكات تا شەقامی حارس بن كلدا، و دروستكردنی یەكتربڕینی پرد لەسەر ڕێگای دۆرا- یوسفیە.
ئەو ڕێگایەی كە ڕێگای محەمەد قاسم و كەركوك – بەغدا بەیەكەوە دەبەستێتەوە، بە گەڕەكی بەساتین و سەریدات تێدەپەڕێت.
• پردێك كە ڕێگای خێرای محەمەد قاسم بە ڕێگای كەناڵی سوپا لە دیوی رۆستەمییە بەیەكەوە دەبەستێتەوە، فراوانكردنی شەقامەكانی تەنیشت یەكتر لە ناو ڕێڕەوەكەدا، دانانی دوو چوارڕێیانی پرددار، و ڕێكخستنی رێرەوی پێشەوە.
دروستكردنی پردێك بەسەر شەقامی قەناتی جەیش بۆ بەستنەوەی شەقامی داخل بەرەو شەقامی فەلەستین (گەڕەكی موهەندسین).
دروستكردنی پردێك بەسەر شەقامی قەناتی جەیش بۆ بەستنەوەی ناوچەیەكی جەمیلە بە درێژكراوەی شەقامی الجهاد - باب موعەزەم.
• دانانی پردێك بۆ بەستنەوەی شەقامی ٧٧، یەكتربڕینی قودس - عبوور.
• پەرەپێدانی یەكتربڕینی شاری قورتەبە (شەقامی بۆر سەعید).
دانانی پردێك بۆ پەرەپێدانی یەكتربڕینی دۆرە – سیدیە لەسەر ڕێگای بەغدا – حلە.
• پەرەپێدانی گۆڕەپانی نسوور، دروستكردنی پرد و تونێل، دروستكردنی پردێك بەسەر هێڵی ئاسن بەرەو یەكتربڕینی ئوم تبۆڵ، و فراوانكردنی ڕێگاكانی تەنیشت ڕێڕەوی پڕۆژەكە.
پەرەپێدانی چوارگۆشەكانی عەدەن و سەنعا.
• پەرەپێدانی یەكتربڕینی شالچی و تۆپچی
• جێبەجێكردنی پردی پێشەنگ و بەستنەوەی بە شەقامی بێجییە (شەقامی ٨٠) لە نزیك كۆلێژی توراس، تێپەڕین بە گۆڕستانی شێخ مەعروف و فڕۆكەخانەی موسەنا.
• پەرەپێدانی یەكتربڕینی سەربازگایە ڕەشید لەگەڵ ڕێگای خێرای دۆرە (موجەمع مەشن).
• پەرەپێدانی یەكتربڕینی هونەرە جوانەكان.
