دادگای تاوانەکانی دیالە چەندین سزای لەسێدارەدانیان بە تاوانی ڕفاندن و کوشتن لەو پارێزگایە دەرکرد
ناوخۆ
- 22-03-2023, 13:10
بەغدا - INA
ئەمڕۆ چوارشەممە، دادگای تاوانەکانی دیالە سزای لەسێدارەدانی بەسەر پێنج تاوانبار بە تاوانی کوشتن و ڕفاندنی هاووڵاتیان لەو پارێزگایە دەرکرد.
لە ڕاگەیەندراوێکدا کە ناوەندی ڕاگەیاندنی ئەنجوومەنی باڵای دادوەری، کە بۆ ئاژانسی هەواڵی عێراقی ناردووە تێیدا هاتووە، "دادگای تاوانەکانی دیالە دوو سزای لەسێدارەدانی بەسەر دوو تاوانباردا دەرکرد بە تۆمەتی ڕفاندن و کوشتنی هاووڵاتییەک بە مەبەستی بەدەستهێنانی بڕە پارە لە ناوچەی هبهب، هەروەها سێ سزای لەسێدارەدانی دیکەی بەسەر سێ تاوانباردا دەرکرد بە تاوانی کوشتنی هاوڵاتییەک بە مەبەستی بەدەستهێنانی بڕە پارە لە قەزای بەعقوبە.
ئاماژەی بەوەشکرد، "حوکمەکانی ئەو پێنج تاوانبارە لەسەر بنەمای بڕگەکانی ماددەی 4/1ی یاسای بەرەنگاربوونەوەی تیرۆرە".
