وەزیری دەڕەوە لەگەڵ یەکێتی ئەوروپا قۆناغ و میکانیزمەکانی کارکردنی داهاتوو تاوتوێ دەکات
سیاسی
- 20-03-2023, 12:34
بەغداد/ INA
ئەمڕۆ دووشەممە"فوئاد حسێن" جێگری سەرۆک وەزیران و وەزیری دەرەوە لەگەڵ یەکێتی ئەوروپا، میکانیزمەکانی کارکردنیان لە قۆناغی داهاتوو تاوتوێ کرد.
لە ڕاگەیەندراوێکی وەزارەتی دەرەوە،کە بۆ ئاژانسی هەواڵی عێراقی (INA) ناردوویەتی، تیایدا هاتووە "فوئاد حوسێن" لە بارەگای ئەنجومەنی ئەوروپا چاوی کەوت بە جێگری سەرۆکی کۆمیسیۆنی ئەوروپا و نوێنەری باڵای کاروباری دەرەوە و سیاسەتی ئەمنی لە یەکێتی ئەوروپا"جۆزێب بوریل" لە پەراوێزی کارەکانی خولی سێیەمی ئەنجومەنی هاوکاری نێوان عێراق و یەکێتی ئەوروپا کە لە برۆکسل بۆ ماوەی 19 بۆ 21 ی ئازار بەڕێوەدەچێت .
راگەیەندراوەکە ڕوونیشیکردۆتەوە"کە لەمیانی کۆبوونەوەکەدا هەردوو لا باسیان لە چەندین پرس کە جێگای بەرژەوەندی هاوبەشی نێوان کۆماری عێراق و یەکێتی ئەوروپایە کرد،هەروەک ڕێگاکانی بەهێزکردن و فراوانکردنی پەیوەندییەکانی نێوان هەردوولا تاوتوێ کرا.
لەو روانگەیەشەوە وەزیری دەرەوە ئاماژەی بە "گرنگی ڕێککەوتنی هاوبەش و هاوکاری کرد کە پەیوەندی لەگەڵ یەکێتی ئەوروپا لەو چوارچێوەیەدا دادەنێت.
لە ڕاگەیەندراوەکەدا ئاماژە بەوەشکراوە "کە تاوتوێی کاری ئەو سێ لیژنەیە کرا کە لە ڕێککەوتنی هاوبەشی و هاوکارییەوە سەرچاوەی گرتووە و میکانیزمەکانی کارکردنیان لە قۆناغی داهاتوودا کە پەیوەندییە جیاوازەکانی نێوان کۆماری عێراق و یەکێتی ئەوروپا بخاتە سەر رێچکەی واقعی خۆی .
هەر بەپێ راگەیەندراوەکە بێت لای خۆیەوە "جۆزێب بوریل " ئاماژەی بە پابەندبوونی یەکێتی ئەوروپا کرد بە مەرجەکانی ڕێککەوتنەکە و چوارچێوەی کاراکردنی وەک ئاماژەیەک بە "گرنگی جیۆپۆلەتیکی عێراق بۆ یەکێتی ئەوروپا، و ڕۆڵ و کاریگەریە دیپلۆماسیەکەی عێراق لە ناوچەکەدا.
لە درێژەی راگەیەندراوەکەی وەزارەتی دەرەوەدا هاتووە" هەردوولا باسیان لە دۆخی ئێستای ناوچەیی و نێودەوڵەتی کرد کە جێگەی بایەخی هەردوولا بوو .
