لیژنەی پەرلەمانی: دابەزینی بەقاچاغبردنی بەرهەمە نەوتییەكانمان تۆماركرد
ئابوری
- 15-03-2023, 16:31
بەغداد - INA
لیژنەی نەوت و گاز و سامانە سروشتییەكان ئەمرۆ چوارشەممە، تەئكیدی لە كەمبوونەوەی كردارەكانی قاچاغچێتی بە نەوتی خاو و بەرهەمە نەوتیەكان كردەوە.
ئەندامی لیژنەكە عەلی سەعدون لامی بەئاژانسی هەواڵی عێراقی ڕاگەیاند: لیژنەی نەوت و گاز و سامانە سروشتییەكان دوای سەردانیكردنی پارێزگای بەسرە و كۆبوونەوە لەگەڵ كۆمپانیاكانی نەوت و پێداچوونەوە بە مۆڵەت و پاڵاوگە و كۆمپانیاكانی تر، دابەزینی كرداری قاچاغیكردنی تایبەتی نەوت و بەرهەمە نەوتیەكانی تۆمار كرد، ئاماژەی بەوەشكرد: لە ناوچەكانی تر ئۆپەراسیۆنی قاچاغیكردن هەیە و دەبێت لەلایەن دەوڵەتەوە بەدواداچوونیان بۆ بكرێت و كۆنتڕۆڵی ئەو دەروازانە بكرێت كە لە ڕێگەیەوە كرداری قاچاغیكردن ئەنجام دەدرێت.
سەبارەت بە نرخی بەرمیلێك نەوت كە لەبودجەدا ژمێردراوە ئاماژەی بەوەدا: كە ژماردنی نرخی بەرمیلێك بە 70 دۆلار ژمارەیەكی گونجاوە بەتایبەتی كە ئەمڕۆ نرخی نەوت لەوە بەرزترە.
