وەزارەتی كشتوكاڵ وادەی دەستپێكردنی هەفتەی (14)ی كشتوكاڵی بە سەرپەرشتی سەرۆكی حكومەت دیاری كرد

ناوخۆ

8-03-2023, 15:16

+A -A

بەغدا - INA - ئەمنە سەلامی

ئەمڕۆ چوارشەممە، وەزارەتی كشتوكاڵ وادەی دەستپێكردنی هەفتەی (14)ی كشتوكاڵی ، بە سەرپەرشتی محەمەد شیاع سودانی، سەرۆك وەزیران دیاری كرد.

مەهدی سەهەر، یاریدەدەری ئەمینداری وەزارەتی كشتوكاڵ بە ئاژانسی هەواڵی عێراقی ڕاگەیاند، "وەزارەت ئامادەكاری دەكات بۆ ئەنجامدانی هەفتەی 14ی كشتوكاڵی لە پێشانگای نێودەوڵەتی بەغدا بۆ ماوەی 14 تا 21ی ئازار، بە سەرپەرشتی ". محەممەد شیاع سودانی، سەرۆكوەزیران و عەباس جەبر علیاوی وەزیری كشتوكاڵ".

سەهەر ئاماژەی بەوەشكرد، "هەفتەی كشتوكاڵ دەرفەتێكە بۆ كۆمپانیا ناوخۆیی و عەرەبی و بیانییەكان بۆ پێشكەشكردنی نوێترین بەرهەمی مۆدێرن كە لە كەرتی كشتوكاڵدا بەكاردەهێنرێن، هەروەها دەرفەتێكە بۆ نمایشكردنی بەرهەمی كۆمپانیاكان، لەوانە بەرهەمی ڕووەكی و ئاژەڵ، پیشەسازی خۆراك، و میكانیزەكردنی كشتوكاڵی."

ناوبراو ئاماژەی بە "ڕۆڵی درێژكردنەوە و ڕاهێنانی كشتوكاڵی لەلایەن ستافی وەزارەتی كشتوكاڵ و ناوەندەكانی توێژینەوە و دەرئەنجامی توێژینەوەی توێژەران و كرێكارانی كەرتەكە كرد".

هەروەها ئەوەیش وت كە، "هەفتەی كشتوكاڵ كەرنەڤاڵێكە و شوێنی كۆبوونەوەی نێوان توێژەران و پسپۆڕانی كەرتی كشتوكاڵییە لەگەڵ كۆمپانیاكان و جووتیاران بۆ پێشكەشكردنی بەرهەم و ئاڵوگۆڕی ئەزموونەكان."