سەرۆك وەزیران خواستی عێراق بۆ گەڕانەوەی شوێنەوارە دزراوەكان دووپاتدەكاتەوە
سیاسی
- 6-03-2023, 18:40
بەغدا- INA
ئەمڕۆ دووشەممە محەمەد شیاع سودانی سەرۆك وەزیرانی عێراق خواستی عێراقی دووپاتكردەوە بۆ بەرزكردنەوەی پاڵپشتیی ئەو ڕێكخراوە نێودەوڵەتییە بۆ هەوڵەكانی لە بواری وەرگرتنەوەی شوێنەوارە دزراوەكانی عێراقدا.
نووسینگەی ڕاگەیاندنی سەرۆك وەزیرانی عێراق لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە و ڕایگەیاندووە: محەمەد شیاع سودانی سەرۆك وەزیرانی عێراق پێشوازی لە بەڕێوەبەری گشتیی ڕێكخراوی پەروەردەیی و زانستی و ڕۆشنبیریی نەتەوە یەكگرتووەكان (یونسكۆ) ئۆدری ئۆزولای و شاندی یاوەری كرد و ئاماژەی بەوەشكرد : سودانی هەوڵ و دەستپێشخەرییەكانی ڕێكخراوەكەی لە عێراق بەرز نرخاند، لە درێژەی ئەو شتانەی كە لەگەڵ ئۆزولای لە دوایین سەردانەكەیدا بۆ پاریس گفتوگۆی لەسەر كرا.
سەرۆك وەزیرانی عێراق بەگوێرەی بەیاننامەكە ئاواتی عێراق بۆ بەرزكردنەوەی پاڵپشتی ڕێكخراوە نێودەوڵەتییەكە بۆ هەوڵەكانی لە بواری وەرگرتنەوەی شوێنەوارە دزراوەكانی عێراق، جەختیكردەوە هەڵسەنگاندنە بەرزەكەی بۆ هەوڵەكانی ڕێكخراوەكە بۆ ئەوەی زۆرێك لە دۆسیە بەرجەستە و میراتە سروشتییەكانی عێراق بگرێتەوە لە لیستی كلتوری جیهانیدا.
ئاشكراشی كرد : هەوڵەكانی عێراق بۆ هاوكاری زیاتر لەگەڵ یونسكۆ لە دۆسیە جیاوازەكاندا لەوانە: دۆسیەی ئاوارەكان و كەمپەكانیان، هاوكاریكردن لە نۆژەنكردنەوەیان و ڕەخساندنی دەرفەتی خوێندن بۆیان، پاراستنی شوێنەوارەكانی و ئەو شوێنەوارانەی كە لەلایەن چەتەكانی داعش تێكدرابوون، بنیاتنانی توانا مرۆییەكان، پەرەپێدانی مەنهەجی قوتابخانەكان و دۆسیەكانی هاوكاری و زۆر شتی تری هاریكاری.
لای خۆیەوە ئۆزولای دووپاتی كردەوە : كرانەوەی ڕێكخراوی نێودەوڵەتی بۆ هەموو جۆرەكانی هاوكاری ڕۆشنبیری و زانستی و كلتوری لەگەڵ عێراق، ئاماژەی بە ویستی پێشكەشكردنی پاڵپشتی لە بابەتی نوێكردنەوەی پرۆگرامەكانی خوێندن و كردنی هاوتەریبكردنیان لەگەڵ ستانداردە نێودەوڵەتییەكان.
ناوبراو هاوكارییەكانی لەگەڵ عێراق بە بەردەوامە وەسف دەكات و سەردانەكەی بەمەبەستی دانانی ئەولەویەتەكان و پەرەپێدانی پلان بۆ پەرەپێدانی كردەوەی هاوبەشە.
ئاشكرایكرد ئامادەیی ڕێكخراوەكە بۆ ناردنی تیمێكی تایبەتمەند بۆ پاڵپشتیكردنی عێراق لە بواری بەڕێوەبردنی ئاو لە چوارچێوەی پرۆگرامی نێودەوڵەتی ئاوی پەیوەندیدار بە كاروباری ئاو.
