وەزیری دارایی: ئێمە بڕیارمانداوە بە پاكێجێك لە چاكسازییە بنەڕەتییەكان بەردەوام بین

بەغدا -   INA
ئەمڕۆ یەكشەممە تەیف سامی وەزیری دارایی دووپاتیكردەوە كە حكومەت بڕیارە بەردەوام بێت لەگەڵ پاكێجێك لە چاكسازییە بنەڕەتییەكان بەمەبەستی دابینكردنی پێداویستییەكان بۆ رپێشكەوتنێكی هاوسەنگی ئابووری لە وڵاتدا.
لە ڕاگەیەندراوێكی وەزارەتی دارایی كە بە ئاژانسی هەواڵی عێراقی (INA) ناردووە و تێیدا هاتووە  : تائیف سامی وەزیری دارایی پێشوازی لە بەڕێوەبەری نووسینگەی بانكی نێودەوڵەتی لە عێراق ڕیچارد عەبدولنوور و بەڕێوەبەری نووسینگەی هەرێمی ڕۆژهەڵاتی ناوەڕاست و باكووری ئەفریقا جۆن كریستۆف.
لە ڕاگەیەندراوەكەدا ئاماژە بەوەشكراوە : لە كۆبوونەوەكەدا شایەتحاڵی گفتوگۆكردن بوو لەسەر ڕێگاكانی چەسپاندنی هاوكاری هاوبەشی نێوان عێراق و بانكی نێودەوڵەتی، هەروەها جەختكردنەوە لەسەر بەردەوامی هەماهەنگی دوولایەنە لە بواری هاوكاری بۆ پێشخستنی گەشەپێدانی بەردەوام لە كەرتی دارایی و ئابووری و وەبەرهێنان  بەگوێرەی ڕێككەوتنەكە لەگەڵ دیدگای حكومەتی عێراق بە ئامانجی سود وەرگرتن لە هەموو جۆرەكانی پاڵپشتی نێودەوڵەتی پێویست بۆ پاڵپشتیكردنی پڕۆژەكانی گەشەپێدان لە عێراق.
وەزیر تایف سامی ڕۆڵی بانكی نێودەوڵەتی لە پشتیوانیكردنی ڕێبازەكانی چاكسازیی حكومەتدا بەرز نرخاند.
 جەختی لەوە كردەوە كە حكومەت بڕیاریداوە بەردەوام بێت لە پاكێجێك لە چاكسازییە بنەڕەتییەكان بە مەبەستی دابینكردنی پێداویستییەكانی پێشكەوتنی ئابووری هاوسەنگ لە وڵاتدا، بە هەمەچەشنكردنی سەرچاوەكانی داهات، بەشداریكردنی كەرتی تایبەت لە هەموو چالاكییە ئابوورییەكان و كردنەوەی ئاسۆی نوێ و دەرفەتی گەشەپێدانی ئومێدبەخش لە عێراقدا.
لای خۆیەوە نوێنەرانی بانكی نێودەوڵەتی پشتیوانی خۆیان بۆ هەوڵەكانی حكومەتی عێراق لە پاكێجی چاكسازییەكان دەربڕی كە كار بۆ بەدەستهێنانی دەكات، سەرەڕای ئاستەنگە ئابوورییە جیهانییەكان،لە هەمان كاتدا ستایشی ڕەوتەكانی گەیشتن بە ناوچەیی یان كرد و یەكگرتنی ئابووری بە هاوبەشی لەگەڵ باقی وڵاتانی ناوچەكە بە شێوەیەك كە خزمەت بە بەهێزكردنی پایەكانی ئابووری نیشتمانی و خۆشگوزەرانییەكەی بكات.