عێراق سەرۆكایەتی كارەكانی خولی (98)ی دەستەی بەڕێوەبەری ڕێكخراوی كاری عەرەبی لە قاهیرە دەكات

ناوخۆ

5-03-2023, 15:38

+A -A

بەغدا- INA
ئەمڕۆ یەكشەممە وەزیری كار و كاروباری كۆمەڵایەتی ئەحمەد ئەسەدی سەرپەرشتی كارەكانی خولی 98ی دەستەی بەڕێوەبەری ڕێكخراوی كاری عەرەبی لە قاهیرە كرد.
بەیاننامەیەكی وەزارەت كە بۆ ئاژانسی هەواڵی عێراقی (INA) ناردووە و راگەیاند: وەزیری كار ئەحمەد ئەسەدی لە میانی مەراسیمی كردنەوەی دانیشتنەكەدا بەخێرهاتنی ڕێكخەران و بەشداربووانی دانیشتنەكە و نوێنەری وڵاتانی عەرەبی بە سەرۆكایەتی فایز عەلی موتەیڕی بەڕێوەبەری گشتی كرد لە ڕێكخراوەكە.
ئەسەدی بە پێی بەیاننامەكە جەختی لە پێویستی گفتوگۆكردن لەسەر بارودۆخی كرێكارانی ناوچەكە كردووەتەوە و ئاماژەی بەوەشكردووە : كاری دانیشتنەكە باسكردنی كۆمەڵێك بابەتی لەخۆدەگرێت، لەوانەش ڕاپۆرتێك لەبارەی بارودۆخی كرێكارانی گەلی فەلەستین و تاوتوێكردنی دەستكەوتەكانی ڕێكخراوی كاری دامەزراوەیی عەرەبی لە ماوەی ڕابردوودا.
ئاماژەی بەوەشكرد : هەروەها كارەكە بریتییە لە پێداچوونەوە بە ڕاپۆرتی ئەنجامی كارەكانی خولی 43ی لێژنەی پسپۆڕانی یاسایی تایبەت بە پەرەپێدانی توانا، ڕاپۆرتی ئەنجامی كارەكانی خولی 21ی لیژنەی كاروباری كاری ژنانی عەرەبی و ڕاپۆرتی ئەنجامی كارەكانی خولی 42ی لیژنەی ئازادییەكانی سەندیكاكان.
ئاماژەی بەوەشكرد كرد كە بەغدا میوانداری كارەكانی دانیشتنی (97)ی دەستەی بەڕێوەبەری ڕێكخراوی كاری عەرەبی كرد لەماوەی 16-17ی ئۆكتۆبەری 2022.