ڕاوێژكاری سەرۆك وەزیران: هەنگاوی نەهێشتنی قەرەباڵغی هاتوچۆ بەشێكە لەچارەسەری خێرا بۆ كێشەكانی خزمەتگوزاری
ناوخۆ
- 2-03-2023, 18:00
بەغداد - INA
ڕاوێژكاری ڕاگەیاندنی سەرۆك وەزیران هیشام ریكابی ئەمڕۆ پێنجشەممە، تەئكیدیكردەوە: كەهەنگاوی نەهێشتنی قەرەباڵغی هاتوچۆ دەكەوێتە ناو چارەسەرە خێراكانی چارەسەركردنی كێشەكانی خزمەتگوزاریەوە.
ریكابی لە تویتێكدا لە تۆڕی كۆمەڵایەتی تویتەر كە ئاژانسی هەواڵی عێراقی بەدواداچوونی بۆ كردووە، دەڵێت: هەنگاوی حكومەت لە نەهێشتنی قەرەباڵغی هاتووچۆ لە چوارچێوەی زنجیرەیەك چارەسەری خێرادایە بۆ ئەو كێشانەی هاوڵاتیان كە لە دۆسیەی خزمەتگوزاریدا روبەرویان بووەتەوە.
وتیشی: ئەو پڕۆژانە لەنێو چەندین پڕۆژەدان كە لەلایەن حكومەتی سەرۆك وەزیران محەمەد شیاع سودانی جێبەجێ دەكرێن و لە بەرنامەی حكومەتدا دەیگرێتەوە.
ئەمڕۆ پێنجشەممە، سەرۆك وەزیران بە فەرمی دەستپێكردنی یەكەم پرۆژەی پاكێجی بۆ نەهێشتنی قەرەباڵغی هاتووچۆ لە بەغدا ڕاگەیاند.
