دەزگای هەواڵگری سەربازی (9) ئەندامی داعش لە سێ پارێزگادا دەسگیردەکات
ئەمنی
- 27-02-2023, 13:47
بەغداد/ INA
ئەمڕۆ دووشەممە، بەڕێوبەرایەتی هەواڵگری سەربازی لە سێ پارێزگا دەستگیرکردنی 9 ئەندامی باندی تیرۆریستی داعشی ڕاگەیاند.
بەڕێوبەرایەتییەکە، لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، ڕایگەیاندووە"لە چەند ئۆپەراسیۆنێکدا لە پارێزگاکانی کەرکوک و ئەنبار و سەڵاحەدین
9 تیرۆریستی داواکراو لەلایەن دەسەڵاتی دادوەرییەوە بەپێی بڕگەکانی ماددەی (4) لە تیرۆر لەو پارێزگایانە دەستگیرکران و دوا بەدوای دەستگیرکردنیشیان و پاش وەرگرتنی وتەو دانپێدانانەکانیان ڕادەستی دەسەڵاتی دادوەری کراون.
