سەرۆكی حكومەت ڕێنمایی وەزارەتی كار دەكات بۆ زیادكردنی ژمارەی لیژنە پزیشكیەكان بۆ پشكنین بۆ كەمئەندامان
ناوخۆ
- 26-02-2023, 14:03
بەغدا - INA
ئەمینداریەتی گشتی ئەنجوومەنی وەزیران ئەمڕۆ یەكشەممە ڕایدەگەیەنێت سەرۆك وەزیرانی عێراق محەمەد شیاع سودانی وەزارەتی كاری ئاڕاستە كردووە بۆ زیادكردنی ژمارەی لیژنە پزیشكییەكان بۆ پشكنینی خاوەن پێداویستییە تایبەتەكان.
وتەبێژی ئەمینداریەتی گشتی حەیدەر مەجید بە ئاژانسی هەواڵی عێراقی (INA)ی ڕاگەیاند :محەممەد شیاع سودانی سەرۆك وەزیرانی عێراق ئاڕاستەی وەزارەتی كار كردووە بۆ زیادكردنی ژمارەی لیژنە پزیشكییەكان لە بەغدا و پارێزگاكان بۆ ئەوەی هاوتا بێت لەگەڵ قەبارەی داواكاران بۆ ئیمتیازاتی یاسای چاودێری بۆ كەم ئەندامان وخاوەن پێداویستییە تایبەتەكان بەجۆرێك كە ژمارەی ڕۆژەكانی پشكنینەكە پزیشكی بە 3 ڕۆژ ئەنجام بدرێت و لەگەڵ توانای هەریەكەیان لە نێوان 100 بۆ 150 كەمئەندام بۆ هەر لیژنەیەك.
مەجید ووتیشی : ئەو ڕێنماییە لەسەر بنەمای ئەو شتانە هات كە وەزیری كار لە میانی هەشتەمین دانیشتنی ئاسایی كابینەی حكومەتدا پێشكەشی كرد كە لە 21ی شوباتی 2023 بەڕێوەچوو.
كەشوهەوای عێراق .. بارانبارین و شەپۆلی سەرما
- ناوخۆ
- 11:15
