سەرۆك وەزیران بانگهێشتنامەیەكی پێدەگات بۆ سەردانی لوبنان
سیاسی
- 20-02-2023, 19:14
بەغدا- INA
ئەمڕۆ دووشەممە محەمەد شیاع سودانی سەرۆك وەزیرانی عێراق بانگهێشتنامەیەكی بۆ سەردانی لوبنان پێگەیشت بۆ تاوتوێكردنی دۆسیەی هاریكاری زیاتری نێوان هەردوو وڵاتی برا.
نووسینگەی ڕاگەیاندنی سەرۆك وەزیران لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە و ڕایگەیاند: ئەمڕۆ سودانی پێشوازی لە وەزیری كار مستەفا بایرام و شاندی یاوەری كرد،لە میانی دیدارەكەدا گفتوگۆیان لەسەر پەیوەندییە دووقۆڵییەكان و ڕێگاكانی بەرزكردنەوەیان،بایرام پەیامێكی بە سەرۆك وەزیران محەممەد شیاع سودانی گەیاند كە نامەیەكی سەرۆك وەزیرانی لوبنان نەجیب میقاتی، كە تێیدا هەڵوێستە برایەتییەكانی عێراقی بەرز نرخاند، داوای لە سودانی كرد سەردانی لوبنان بكەن بۆ گفتوگۆكردن دۆسیەی زیاتری هاریكاری هاوبەش.
ئاماژەی بەوەشكرد : لە كۆبوونەوەكەدا شایەتحاڵی گفتوگۆكردن بوو لەسەر پەرەپێدانی هاوكاریی هاوبەش لە بوارەكانی ئاڵوگۆڕی بەرهەمە كشتوكاڵییەكان و ئاڵوگۆڕی ئەزموونەكان لە بواری بەندەرەكان، هەروەها تەواوكردنی كارەكان لە بواری ڕێگریكردن لە دوو باجدان، و ئاڵوگۆڕكردن لە بوارەكانی ڕاهێنان و چالاكییە ئابوورییەكان.
ناوبراو لە درێژەی قسەكانیدا وتی : سەرۆك وەزیران سڵاوی وەزیری لوبنانی بە میقاتی گەیاند، خواستی عێراقی دەربڕی بۆ فراوانكردنی هاوكاری لەگەڵ لوبنان لە بوار و ئاستە جیاجیاكاندا.
