دەزگای ئاسایشی نیشتیمانی دەست بەسەر زیاتر لە 350 هەزار لیتر لە نەوتی قاچاخدا دەگرێت
ئەمنی
- 20-02-2023, 15:11
بەغداد/ INA
ئەمڕۆ دووشەممە، دەزگای ئاسایشی نیشتیمانی عێراق دەستبەسەرداگرتنی زیاتر لە 350 هەزار لیتر لە نەوتی قاچاخی ڕاگەیاند.
دەزگای ئاسایش ، لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،رایگەیاند "لە درێژەی هەوڵەکانی دەزگای ئاسایشی نیشتمانی بۆ بەدواداچوون و دەستگیرکردنی قاچاخچییەکانی نەوت و ئەو کەسانەی بەشێوەیەکی نایاسایی بازرگانی پێوە دەکەن،هێزەکانی دەزگاکە،دوای وەرگرتنی ڕەزامەندی دادوەری، توانیان (24) تۆمەتبار دەستگیر بکەن و دەست بەسەر زیاتر لە (350) هەزار لیتر نەوتی قاچاخ لە پارێزگاکانی "سەلاحەددین و کەرکوک و قادسیە و واست و بەسرە و دیالە و نەجەف و کەربەلا" دابگرن ، ئەوە جگە لە کۆمەڵێک کۆشک کە بۆ عەمبارکردن بەکاردەهێنرا.
بەیاننامەکە ئاماژەی بەوەشکرد" دوای دەستگیرکردنی تۆمەتباران ، وتە لە تۆمەتباران وەرگیراوە هاوپێچ لەگەڵ کەلوپەلەکانی دەستبەسەرداگیراو ڕەوانەی بەردەم دەسەڵاتی دادوەری کران بۆ سزا دانیان بەپێ یاسا .
