وەزیرانی ناوخۆ و تەندروستی و داد جێبەجێكردنی بڕیاری ژمارە 10 تایبەت بە بەكارهێنانی مادەی هۆشبەر تاوتوێ دەكەن

ئەمنی

16-02-2023, 22:40

+A -A

بەغداد - INA

عەبدولئەمیر شەمری وەزیری ناوخۆ ئەمڕۆ پێنجشەممە، لەگەڵ وەزیری تەندروستی ساڵح حەسناوی و وەزیری داد خالید شوانی لەبارەی جێبەجێكردنی بڕیاری ئەنجومەنی وەزیران ژمارە 10ی ساڵی 2023 تایبەت بە بەكارهێنانی ماددە هۆشبەرەكان و كارتێكەرە دەرونیەكان گفتووگۆی كرد.

بەپێی بەیاننامەیەكی وەزارەتی ناوخۆ كە بۆ ئاژانسی هەواڵی عێراقی ناردووە، دەڵێت: بەمەبەستی بەرەنگاربونەوەی ماددە هۆشبەرەكان و كارتێكەرە دەرونیەكان و جێبەجێكردنی ڕێنماییەكانی سەرۆك وەزیران و فەرماندەی گشتی هێزە چەكدارەكان محەمەد شیاع سودانی، وەزیری ناوخۆ عەبدولئەمیر شەمری لەنووسینگەی خۆی لەگەڵ وەزیری تەندروستی ساڵح حەسناوی و وەزیری داد خالید شوانی كۆبوەوە.

ئەوەشی خستەڕوو: لەكۆبوونەوەكەدا باس لەجێبەجێكردنی بڕیاری ژمارە 10ی ساڵی 2023ی ئەنجومەنی وەزیران كرا لەبارەی بەكارهێنانی ماددە هۆشبەرەكان و كارتێكەری دەروونی و باری تەندروستی و یاسایی و تێكەڵكردنی كۆمەڵگەی كلینیكی زۆرەملێ بۆ بەكارهێنەران كەوەزارەتی ناوخۆ دایدەمەزرێنێَت.

لە بەیاننامەكەدا ئەوەش خراوەتەڕوو: كە لە كۆبوونەوەكەدا بەڕێوەبەری گشتی كاروباری ماددە هۆشبەرەكان و كارتێكەری دەرونی لە وەزارەتی ناوخۆ و ژمارەیەك لە ئەفسەران ئامادەیبوون.