سەرۆك وەزیران و پەرلەمان تاوتوێی ئامادەكاریی بۆ میوانداریكردنی كۆنفرانسی یەكێتی پەرلەمانەكانی عەرەبی دەكەن
سیاسی
- 13-02-2023, 19:46
بەغدا- INA
ئەمڕۆ دووشەممە محەممەد شیاع سودانی سەرۆك وەزیرانی عێراق لەگەڵ محەمەد حەلبوسی سەرۆكی پەرلەمان سەبارەت بە ئامادەكارییە بەردەوامەكان بۆ میوانداریكردنی سی و چوارەمین كۆنفرانسی یەكێتی پەرلەمانەكانی عەرەبی لەلایەن بەغداوە تاوتوێ كرد.
نووسینگەی ڕاگەیاندنی سەرۆكوەزیرانی عێراق لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە و ڕایگەیاندووە: محەممەد شیاع سودانی سەرۆك وەزیرانی عێراق پێشوازی لە محەمەد ڕیكان حەلبوسی سەرۆكی ئەنجوومەنی نوێنەران كرد لە میانی كۆبوونەوەكەدا باسیان لە ئامادەكارییە بەردەوامەكان كرد بۆ ئەوەی بەغدا میوانداری كۆنفرانسی 34 بكات بۆ یەكێتی پەرلەمانی عەرەبی لە مانگی شوباتدا، باشترین هەوڵەكان بۆ سەركەوتنی ئەم خولە كە سەرۆكایەتی دەكرێت لەلایەن عێراقەوە.
ئاماژەی بەوەشكرد : لە كۆبوونەوەكەدا شایەتحاڵی گفتوگۆكردن بوو لەسەر گرنگترین پرس و تەوەرەكان لەسەر ئاستی نیشتمانی و ڕێگاكانی بەرزكردنەوەی یەكگرتنی نێوان دەسەڵاتی یاسادانان و جێبەجێكردن، بەمەبەستی پشتگیریكردنی ئەو یاسایانەی كە ئاسانكاری بۆ جێبەجێكردنی بەرنامەی حكومەت دەكەن ، بۆ بەدیهێنانی خواستەكانی هاوڵاتیان لە بەدەستهێنانی خزمەتگوزاری و باشتركردنی بارودۆخی ئابووری و خزمەتگوزاری لە سەرجەم پارێزگاكانی عێراق.
