وەزیری دارایی: لە پرۆسەی كۆتایی هێنان بە بودجەی فیدراڵین بۆ ئەمساڵ
ئابوری
- 13-02-2023, 16:43
بەغدا - INA
ئەمڕۆ دووشەممە تەیف سامی وەزیری دارایی ڕایگەیاند: وەزارەت لە پرۆسەی تەواوكردنی كارەكانە لەسەر بودجەی فیدراڵی بۆ ساڵی ئێستا، هاوكات ئاماژە بەوە دەكات كە كێشەی گرانی نرخی دۆلار بە ئیرادەی حكومەت و جەماوەری چارەسەر كراوە.
سامی لە وتارەكەیدا لە حەوتەمین كۆڕبەندی دارایی عەرەبی كە كاروباری خۆی لە ئەبوزەبی پایتەختی ئیمارات كردەوە كە كۆپپیەكی بە ئاژانسی هەواڵی عێراقی (INA) گەیشتووە و وتی : هەوڵماندا یاسای ئاسایشی خۆراك و گەشەپێدان و پاراستنی دارایی دەربكەین بە بڕی (25) ترلیۆن دینار بەمەبەستی كەمكردنەوەی هەژاری و گەیشتن بە سەقامگیری دارایی و بەردەوامبوون لە پێشكەشكردنی خزمەتگوزاری بە هاووڵاتیان.
ئاماژەشی بەوەدا : كە حكومەتی عێراق ڕووبەڕووی پەتای كۆرۆنا بووەوە بە گرتنەبەری چەند ڕێكارێكی دەستبەجێ بۆ سنوورداركردنی بڵاوبوونەوەی لە ڕێگەی سیاسەتی نیشتمانی، چالاكییە تەندروستییەكان، چالاكییە كۆمەڵایەتییەكان كە سەرنجیان خستە سەر گروپە كۆمەڵایەتییە پەراوێزخراوەكان و ئاسانكارییان كرد بۆ دەستڕاگەیشتن بە خزمەتگوزارییە تەندروستییەكان و چاودێری كۆمەڵایەتی، كە ئەم ڕێوشوێنە دەستبەجێ و خۆپارێزیانە بارگرانییەكی دارایی قورسیان زیاد كرد لەسەر پارەی گشتی.
ئاماژەی بەوەشكرد : ئابووری عێراق بەدەست كێشەكانی هەییكەلی درێژخایەن دەناڵێنێت، بەو پێیەی هێشتا كاریگەری بەهاری زیاتر لەسەریەتی، هەروەها بوژانەوەی پەیوەستە بە نرخی نەوت لە بازاڕی جیهانیدا، ئەمەش حكومەت و دامەزراوە ئابووری و داراییەكانی دەخاتە ئامادەباشی بۆ تێپەڕاندنی ئاستەنگەكان و قەیرانەكان، ئاماژەی بەوەدا : كە پەسەندكردنی حكومەتی عێراق بە سەرۆكایەتی سەرۆكی ئەنجومەنی وەزیران محەمەد شیاع سودانی بەرنامەیەكی گەورە مەبەستی لەسەر ئاستی ئابووری و دارایی دەستپێكرد و لە ماوەی چەند مانگێكدا نیشاندەرە ئەرێنییەكانی لەسەر ژیانی كۆمەڵگا و پێكهاتەی دامەزراوەیی دەوڵەت دەركەوت بۆ بەدەستهێنانی بەردەوامیی دارایی.
ئاماژەی بەوەشكرد: ئێمە لە لێواری كۆتاییهێنان بە كارەكان لەگەڵ بودجەی فیدراڵی بۆ ساڵی 2023 و بەرەو چاكسازیی ئابووریی هەمەلایەنە لە ئابووری عێراق و دانانی ستراتیژییەكی ڕوون بۆ هەمەچەشنكردنی ئابوورییەكەی و بەرزكردنەوەی داهاتەكانی و پاڵنانی گەشەپێدان بۆ پێشەوە، ئاماژەی بەوەشكرد :حكومەتی عێراق هەوڵە بێوچانەكان و پەرۆشی بەهێزكردنی هاوكارییە ئابوورییەكانی نێوان وڵاتانی عەرەبی بەرز دەنرخێنێت و هەماهەنگی لەگەڵ هاوبەشەكان بۆ خزمەتكردنی ئابووری و وەبەرهێنانی ئەو وڵاتانە.
لە درێژەی قسەكانیدا وتی : پەیوەندییە نێودەوڵەتییەكان لەسەر بنەمای هاوسەنگی و فراوانكردنی بنەمای بەرژەوەندییەكانە بۆ خزمەتكردنی ئامانجەكانی گەشەپێدانی ئابووری و دارایی لە وڵاتانی عەرەبیدا، ئاماژەی بە ئەو تەحەددایانەی كە جیهان ڕووبەڕووی دەبێتەوە لە كاریگەرییەكانی گۆڕانی كەشوهەوا كە هەیانە دراماتیكتر دەبن و كاردانەوەكانیان لەسەر گەلان، ئەمەش وایكردووە وڵاتانی عەرەبی زیادكردنی دارایی و هاوكاری بكەن و چوونە ناو وەبەرهێنانەكانەوە كە یارمەتیدەرن لە كەمكردنەوەی كاریگەرییەكانی گۆڕانی كەشوهەوا.
تەیف سامی وێڕای دەربڕینی متمانەی زۆری حكومەتی عێراق بەوەی كە كۆڕبەندی دارایی ساڵانە هۆكارێكی گرنگە بۆ گواستنەوەی بیرۆكە و ئەزموونی سەركەوتووی عەرەبی و نێودەوڵەتی، هەروەها ئەو وانانەی پێشكەشی دەكات لە ئامانجەكانی گەشەپێدانی بەردەوام بۆ ساڵی 2030كە ئاستی واقیعی عەرەبی بەرز دەكەنەوە، كە بەرەوڕووی تەحەدای زۆر جددی دەبێتەوە.
شایەنی باسە حەوتەمین كۆڕبەندی دارایی عەرەبی لەلایەن سندوقی دراوی عەرەبی بە هاوكاری سندوقی دراوی نێودەوڵەتی ڕێكخرابوو، بە بەشداریی وەزارەتەكانی دارایی عەرەبی و پارێزگاری بانكە ناوەندییەكان و دامەزراوە دراوییە عەرەبییەكان و هەروەها ژمارەیەك سەرۆك و بەرپرسانی باڵا و پسپۆڕانی دامەزراوە داراییە نێودەوڵەتی و هەرێمەكان.
