لەهێرشی ئاسمانیدا لە چیای حەمرین والی دیالەی داعش و 6 تیرۆرستی دیکە لەناوبران
ئەمنی
- 12-02-2023, 20:49
بەغداد/ INA
ئەمڕۆ یەکشەممە، لیوا "یەحیا رەسول" وتەبێژی فەرماندەی گشتی هێزەچەکدارەکان،لە هێرشێکی ئاسمانیدا کوژرانی ٧ تیرۆریستی لە نێوان پارێزگاری دیالە و زنجیرە چیای حەمرین ڕاگەیاند.
"ڕەسوڵ" لەبەیاننامەیەکدا کە بۆ ئاژانسی هەواڵی عێراقی (INA) ناردوویەتی، ڕایگەیاندووە"هێزە ئەمنییەکان بەردەوامن لە بەدواداچوون و چاودێریکردنی گروپە تیرۆریستییە شکستخواردووەکان، هەروەک لە ڕێگەی بەدواداچوونی مەیدانی و چڕکردنەوەی هەوڵە هەواڵگرییەکانی بەرێوەبەرایەتی هەواڵگری سەربازی ،بە هەماهەنگی لەگەڵ خانەی بە ئامانجکردنی فەرماندەیی ئۆپەراسیۆنە هاوبەشەکان، هێزی ئاسمانی دوو هێرشی ئاسمانی سەرکەوتووی ئەنجامدا بە فڕۆکەکانی F-16، لەناو زنجیرە چیای حەمرین.
بەیاننامەکەی لیوا "یەحیا رەسول " ئاماژەی بەوەشکرد " لەئەنجامی ئەو هێرشەدا 7 تیرۆریست کوژران ،کە لەنێویاندا تیرۆرستێک هەیە کە خۆی وەک والی پارێزگای دیالە ناساندبوو ، بە ناوی "سامی موحان، کە نازناوی ئیبن عەبدولڕەحمان" ی لەخۆی نابوو .
