فەرماندەی ئۆپەراسیۆنەکانی بەغدا وردەکاری پلانی ئەمنی بۆ زیارەتکەرانی ئیمام موسا کازم سەلامی خوای لەسەر بێت ئاشکرا دەکات
ئەمنی
- 12-02-2023, 19:45
بەغداد/ INA
ئەمڕۆ یەکشەممە، فەرماندەیی ئۆپەراسیۆنەکانی بەغدا ئاشکرایکرد، کە پلانی ئەمنی جێگیر هەیە بۆ پێشوازی لە زیارەتکەرانی شاری پیرۆزی کازمیە ،لە سالیادی شەهیدبوونی ئیمام کازم سەلامی خوای لەسەر بێت.
لیوا "ئەحمەد سەلیم " فەرماندەی ئۆپەراسیۆنەکان،بە ئاژانسی هەواڵی عێراقی (INA)ی ڕاگەیاند، "یەکەکانی ئۆپەراسیۆنەکانی بەغدا پلانێکی ئەمنی تۆکمەیان داناوە بۆ پاراستنی سەردانکەران کە بەرەو شاری پیرۆزی کازمیەوە دێن، هەر لە کاروانی ماتەمینی کە بەرەو مزگەوت و حوسێنییەکان دەڕۆن، لە ساڵیادی شەهیدبوونی ئیمام "موسا کازم " سەلامی خوای لەسەر بێت.
وتیشی"قۆناغی جێبەجێکردنی ئەم پلانە خۆی لە خزمەتگوزاری و ئاسایش دەبینێتەوە ، هەر لە ئەنجامدانی پشکنین و وردبینی لە شاری پیرۆزی کازمیە و ناوچەکانی دەوروبەری،بەتایبەتی لە هۆتێلەکان و چێشتخانەکان، و پشکنینی گەڕەکەکان و هەروەها توندوتۆڵکردنی ناوچەکانی پشتێنەی ئەمنی بەغدا.
