چین بەم زووانە دەستپێكردنی تەوژمی ئاڵوگۆڕی تاكەكان لەگەڵ عێراق ڕادەگەیەنێت
ناوخۆ
- 12-02-2023, 17:08
بەغدا - INA- حەسەن فەواز
ئەمڕۆ یەكشەممە كۆماری گەلی چین پشتیوانی خۆی بۆ عێراق دووپاتكردەوە لە بوارە جیاجیاكانی سیاسی، ئابووری، شارستانی، ڕۆشنبیری و میدیایی، هاوكات ئاماژەیە بۆ مەیلی ڕەخساندنی دەرفەت بۆ نوخبەی گەنجانی عێراق بۆ سەردانكردن و پاڵپشتی ئاڵوگۆڕكردن لە بواری میدیادا.
تشو ڕوی یاریدەدەری وەزیری دەرەوەی چین بە ئاژانسی هەواڵی عێراقی (INA)ی ڕاگەیاند: دوای ئەوەی چین سیاسەتی خۆی بۆ ڕووبەڕووبوونەوەی پەتای كۆرۆنا هەمواركردەوە، تەوژمی ئاڵوگۆڕی تاكەكان لە نێوان هەردوو وڵات دەستپێدەكاتەوە، ئێمەش پشتیوانی بۆ بەهێزتر ئاڵوگۆڕی بۆچوون و ئەزموونەكان دەكەین.
ئاماژەی بەوەشكرد : چین بە هاوكاری باڵیۆزخانەكەی لە بەغدا كاردەكات بۆ ڕەخساندنی دەرفەتی زیاتر بۆ نوخبەی گەنجانی عێراق بۆ سەردانی چین، هاوكات پاڵپشتی ئاڵوگۆڕی نێوان هەردوو وڵات دەكات لە بواری ڕاگەیاندن و دامەزراوە فیكری و ڕێكخراوە ناحكومییەكان بە مەبەستی قووڵكردنەوەی دۆستایەتی نێوان گەلانی چین و عێراق.
ئاماژەی بەوەشكرد : عێراق یەكێكە لە یەكەم وڵاتەكانی ناوچەكە كە ڕێككەوتنی هاوكاری لەگەڵ چین لە بنیاتنانی دەستپێشخەری پشتێن و ڕێگادا واژۆكردووە و ئاماژەی بەوەشكرد : ئەم ڕێككەوتنە زۆرێك لە سیاسی، ئابووری، ڕۆشنبیری، گەشتیاری، میدیا و شتی دیكە لەخۆدەگرێت.
ناوبراو ڕایگەیاند : ساڵی ئێستای 2023 دەیەمین ساڵڕۆژی دەستپێشخەری پشتێن و ڕێگاوبان تێدەپەڕێت، پێشنیاری ئەوە دەكات كە چین سێیەم دانیشتنی كۆڕبەندی ئاست بەرز بۆ هاوكاریكردن لەسەر پشتێن و ڕێگاوبان ئەنجام دەدات جگە لە مەكۆی سەرەكی.
ئاماژەی بەوەشكرد : پێنج كۆڕبەندی هاوتەریب هەن كە بریتین لە سیاسەت، ژێرخانی، ڕۆشنبیری دارایی، و پەیوەندی نێوان گەلان، ئاماژەی بەوەشكرد : كۆڕبەندی هاوتەریب بۆ پەیوەندی نێوان گەلان لەلایەن بەڕێوەبەرایەتییەكەمانەوە ڕێكدەخرێت، هەروەها هاوكاریی ڕۆشنبیری و میدیایی لەخۆدەگرێت.
جێگای سەرنجە كۆماری گەلی چین لە ساڵی 2013 دەستپێشخەری پشتێن و ڕێگاوبانی دەستپێكرد، كە پرۆژەیەكی گەورەیە بە ئامانجی بەستنەوەی وڵاتانی جیهان بە یەكترەوە لە ڕێگەی تۆڕێك لە ڕێگەی زەمینی، هێڵی ئاسن، بەندەر، بۆری نەوت، هێڵی دەریایی و پەیوەندییەكان تۆڕەكان كە بە چین و وڵاتانی دیكەدا تێدەپەڕن.
