وەزارەتی تەندروستی : یاسای بیمە دەخاتە ڕوو و لەخۆگرتنی بیانییەكان لە عێراق ڕادەگەیەنێت
ناوخۆ
- 4-02-2023, 13:43
بەغدا - INA
ئەمڕۆ شەممە وەزارەتی تەندروستی قۆناغەكانی جێبەجێكردنی یاسای بیمەی تەندروستی ئاشكرا كرد، هاوكات دووپاتی كردەوە كە 300 هەزار هاوڵاتی لە قۆناغی یەكەمدا جێگیر كراون.
وتەبێژی وەزارەتی تەندروستی د.سەیف ئەلبەدر بە ئاژانسی هەواڵی عێراقی (INA)ی ڕاگەیاند: یاسای بیمەی تەندروستی یەكێكە لە گرنگترین ئەولەویەتەكانی بەرنامەی حكومەت كە لەلایەن سەرۆكی حكومەتەوە ڕاگەیەندراوە، هەروەها یەكێكە لە ئەولەویەتەكانی وەزیری تەندروستی ساڵح حەسناوی، ئاماژە بەوە دەكات كە بڕگەكانی یاساكە لێبڕینی لەسەدا یەك لەخۆدەگرێت.
ئاماژەی بەوەشكرد : جێبەجێكردنی یاسای ئەم گرنگییە ستراتیژییە قۆناغ بە قۆناغ دەكرێت، قۆناغی یەكەمیش 300 هەزار سودمەند لەخۆدەگرێت، لەنێویاندا لە 100 هەزار خێزانی هەژار كەمتر نییە كە لە وەزارەتی كار و كاروباری كۆمەڵایەتی تۆماركراون وخزمەتگوزاری پێشكەش بەم بەشە بە تەواوی بێ بەرامبەر دەبێت.
بەدر دووپاتی كردەوە كە جێبەجێكردنی یاساكە لە قۆناغی یەكەمدا سنووردارە بە دامودەزگاكانی بەغدا، ئاماژەشی بەوەدا كە وەزارەت لینكی تۆماركردنی ڕاگەیاندووە، هەروەها بانگهێشتی هەموو لایەك دەكرێت بۆ ئەوەی ناوی خۆیان تۆمار بكەن لە یاساكە.
ئاماژەی بەوەشكرد : خزمەتگوزاری ڕاستەقینەی یاسای بیمەی تەندروستی لە ماوەی شەش مانگ و لە مانگی تەمموزی ئەمساڵدا دەبێت، ڕوونیشیكردەوە یاساكە بەپێی ئەو داواكارییە قۆناغبەندییە، هەموو عێراقییەكان و تەنانەت بیانییەكانیش لە عێراق دەگرێتەوە، جا ئەوانیش فەرمانبەربن یان فەرمانبەر نەبن.
