وەزارەتی دارایی عێراق دامەزراندنی 3774 گریبەستی دیکەی بەشیوەیەکی هەمیشەیی لە دام و دەزگاکانی دەوڵەت راگەیاند

ناوخۆ

23-01-2023, 15:29

+A -A

بەغداد/ INA

ئەمڕۆ دووشەممە، وەزارەتی دارایی تەواوبوونی ڕێکارەکانی دامەزراندنی 3 هەزار و 774 پلەی وەزیفی پشتڕاستکردەوە کە پێشتر گرێبەست بوون لە دامودەزگاکانی دەوڵەت .

وەزارەت لە بەیاننامەیەکدا کە بە ئاژانسی هەواڵی عێراقی (INA) گەیشتووە، تیایدا هاتووە "لەژێر ڕێنمایی و بەدواداچوونی ڕاستەوخۆ"تەیف سامی محەمەد " وەزیری دارایی،بەشی بودجە لە وەزارەتی دارایی ئەمڕۆ ڕێکارەکانی دامەزراندنی 3744 پلەی وەزیفی تەواوکرد، کە ماوەی ساڵانێکە گرێبەستن لەدام و دەزگاکانی دەوڵەت .

بەیانامەکە ئاماژەی بەوەشکردووە پلەی دامەزراندنەکان بەم شێوەی خوارەوە دابەشکراون بەسەر چەند دام و دەزگایەکی حکومەت لە وەزارەت و پارێزگاکان بەم شێوەی خوارەوە :-

١- وەزارەتی خوێندنی باڵا و توێژینەوەی زانستی / زانکۆی بەسرە بۆ نەوت و گاز (31).

٢- پارێزگای ئەنبار / ئەنجومەنی پارێزگای ئەنبار (305).

٣- پارێزگای دیوانیە / دیوانی پارێزگا (24).

٤- پارێزگاری نەجەف / بەشی تەندروستی.

٥- پارێزگای نەجەف (١٨٦٩).

٦- پارێزگای دیالە / فەرمانگەی تەندروستی دیالە (126).

٧- پارێزگای دیالە / بەرێوەبەرایەتی کشتوکاڵی دیالە (67).

٨- پارێزگاری واست / گەشەپێدانی هەرێمەکان (2).

٩- پارێزگاری نەینەوا / ئەنجومەنی پارێزگا (84).

١٠-پارێزگای کەربەلای پیرۆز / گرێبەستەکانی پارێزگا (580).

١١-دیوانی وەقفی شیعی / کۆلێژی "ئیمام کازم " سەلامی خوای لەسەر بێت (525).

١٢-وەزارەتی پیشەسازی و کانزاکان / کۆمپانیای گشتی بۆ بەرهەمە خۆراکییەکان (129).