نێچیرڤان بارزانی سه‌ره‌خۆشی له‌بنه‌ماڵه‌ی هونه‌رمه‌ند عومه‌ر چاوشین ده‌كات
سیاسی
- 16-01-2023, 13:51
هه‌ولێرـ INA
نێچیرڤان بارزانی سه‌رۆكی هه‌رێمی كوردستان له‌په‌یامێكی هاوخه‌می دا پرسه وسه‌ره‌خۆشی خۆی ئاراسته‌ی بنه‌ماڵه‌ی هونه‌رمه‌ندی خوالێخۆشبوو عومه‌ر چاوشین ده‌كات.
بۆ كۆچى دواييى خوالێخۆشبوو هونه‌رمه‌ند عومه‌ر چاوشين، پرسه و سه‌ره‌خۆشيى قووڵم ئاراسته‌ى خێزان و كه‌سوكارو هاوڕێيانى و هونه‌رمه‌ندان و هونه‌ردۆستانى سلێمانى و كوردستان به‌گشتى ده‌كه‌م. هاوسۆز و هاوخه‌ميانم. له خواى مه‌زن داواكارم گيانى خوالێخۆشبوو به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.
هونه‌رمه‌ند عومه‌ر چاوشين، ته‌مه‌نێكى به خزمه‌تكردنى هونه‌رى دراما و شانۆى كوردى به‌خشى و به كار و به‌رهه‌مه جوانه‌كانى، هه‌ميشه يادى به زيندوويى ده‌مێنێته‌وه. يادى به خێر و گيانى شاد بێت.
