عێراق ڕەچاوی جێبەجێكردنی سیستمێكی نێودەوڵەتی دەكات بۆ ئاسانكاری بۆ گواستنەوەی بارهەڵگر و كاڵاكان لەسەر خاكەكەی
ناوخۆ
- 14-01-2023, 18:54
بەغداد - INA
لیژنەی نیشتمانی بۆ ئاسانكاری گواستنەوە و بازرگانی لەناوچەی ئەلئیسكوای سەر وەزارەتی گواستنەوە ، لەگەڵ كۆمپانیای گشتی بۆ ڕێوشوێنەكانی گواستنەوەی زەمینی تاوتوێكرد بۆ جێبەجێكردنی سیستمی نێودەوڵەتی (التیر) جوڵەی بازرگانی نێوان هەناردەكردن و هاوردەكردنی وڵاتان لەسەر خاكی عێراق و هاوكات سوودەكانی و دەستكەوتە ئابوورییەكانی ڕووندەكاتەوە.
ئەندامی لیژنەكە عەبدولحەسەن ئەلزیادی لەلێدوانێكیدا بۆ ئاژانسی هەواڵی عێراقی رایگەیاند: كۆبوونەوەكە لەگەڵ یاریدەدەری بەڕێوەبەری گشتی كۆمپانیاكە بۆ وەڵامدانەوەی سەرجەمی پرسیارەكان و بینینی دوا ڕێكارەكانی پەیوەست بەجێبەجێكردنی سیستمی گواستنەوەی نێودەوڵەتی و گەرەنتی (التیر) لەهاتنەژوورەوەی بارهەڵگرەكان بەڕێوەچوو كە ئێمە لێكۆڵینەوە لەبارەی جێبەجێكردنی دەكەین.
ڕونیشیكردەوە: سیستمی (التیر ) بەشداری دەكات لە كەمكردنەوەی كاتی گواستنەوە تا 80٪، جگە لە كەمكردنەوەی نرخەكان تا 38٪ و "سیستەمەكە لە ئێستادا لە زۆربەی وڵاتان جێبەجێ دەكرێت، ڕێگە دەدات كە شتومەك لە وڵاتی بنچینەوە بگوازرێتەوە، لە ڕێگەی وڵاتانی ترانزێتەوە بۆ وڵاتی مەبەست لە شوێنە گواستنەوەكان كە مۆركراون لەلایەن گومرگەوە، لەو شوێنەی كە لە ڕێگەی سیستەمێكی فرەلایەنەوە كە لە نێوان ئەو وڵاتانەدا دەناسرێنەوە كە (التیر ) بە شێوەی ئاڵوگۆر.
ئاماژەی بۆ ئەوەشكرد: ئەمە ئاسانترین، سەلامەتترین و باوەڕپێكراوترین ڕێگایە بۆ گواستنەوەی كاڵاكان لە سنوورە نێودەوڵەتیە هەمەجۆرەكان، پاشەكەوتكردنی كات و پارە بۆ كارپێكەری گواستنەوە و دەسەڵاتدارانی گومرگ، لەگەڵا كلیلی خێراتر پەڕینەوەی سنوورە بۆ شۆفێری بارهەڵگرەكان، واتە تێچووی كەمتر بۆ كۆمپانیاكانی گواستنەوە و دەسەڵاتدارانی گومرگ.
ئەلزیادی، وتیشی: ئەم سیستمە هەروەها ڕاستەوخۆ بەشداری دەكات لە جێبەجێكردنی ئامانجی سەرەكی ڕێككەوتنی ئاسانكاری بازرگانیی ڕێكخراوی بازرگانی جیهانی (TFA)، وەك ئەو ڕێوشوێنانەی كە ئامانج لێی بەرزكردنەوەی شەفافیەت و پاككردنەوەی شتومەك، ئازادی گواستنەوە، هاوكاری گومرگ و بڵاوكردنەوە و بەردەستبوونی زانیاری.
