حەلبوسی و مەسرور بارزانی تاوتوێی دۆسیەكانی یاسای نەوت و گاز و بودجەی فیدراڵی دەكەن
سیاسی
- 11-01-2023, 20:23
بەغداد - INA
محەمەد حەلبوسی سەرۆكی ئەنجومەنی نوێنەران و مەسرور بارزانی سەرۆكی حكومەتی هەرێمی كوردستان ئەمرۆ چوارشەممە، تاوتوێی دۆسیەكانی یاسای نەوت و گاز و بودجەی فیدراڵیان كرد.
نوسینگەی راگەیاندنی سەرۆكی ئەنجومەنی نوێنەران لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: محەمەد حەلبوسی سەرۆكی ئەنجومەنی نوێنەران، ئەمرۆ چوارشەممە، پێشوازی كرد لە مەسرور بارزانی سەرۆكی حكومەتی هەرێمی كوردستان و شاندی یاوەری.
ئاشكراشیكرد: لەمیانی دیدارەكە گفتوگۆ سەبارەت بە بارودۆخی وڵات و گرنگی پشتیوانی لە حكومەت كرا بۆ جێبەجێ كردنی بەنامەكانی و سەركەوتنی لە ئەركەكەی و پێشكەش كردنی خزمەتگوزاری بە هاوڵاتیان.
رونیشیكردەوە: هەر لە دیدارەكە تاوتوێی دەركردنی ئەو یاسا گرنگانە كرا كە چارەسەركردنی كێشە هەڵپەسردراوەكانی نێوان ناوەند و هەرێمی لێدەكەوێتەوە لە نێویاندا یاسای نەوت و غاز و بودجەی فیدراڵی، لەبەشێكی تری دیدارەكە سەرۆكی حكومەتی هەرێمی كوردستان كوتەیەكی دەرحەق بە دانوستانەكانی نێوان هەردوو شاندی حكومەتی فیدراڵی و هەرێم خستەروو.
