سەرۆك كۆمار دەستخۆشی لە میوانداریی ناوازەی خەڵكی بەسڕە دەكات
سیاسی
- 8-01-2023, 17:59
بەغدا- INA
ئەمڕۆ یەكشەممە سەرۆك كۆماری عێراق عەبدولەتیف جەمال ڕەشید سڵاو و دەستخۆشی لە میوانداری ناوازەی عەرەبی خەڵكی بەسڕە كرد بۆ میوانانی عێراق كە هاتوون بۆ بەشداریكردن و سەیركردن بۆ یارییەكانی پاڵەوانێتی كەنداوی 25.
نووسینگەی سەرۆكایەتی كۆمار لە بەیاننامەیەكدا كە بۆ ئاژانسی هەواڵی عێراقی (INA) ناردووە و ڕایگەیاندووە: كامیل ئەلدولەیمی سەرۆكی دیوانی سەرۆكایەتی كۆمار سڵاو و دەستخۆشی سەرۆك كۆماری گەیاندووە بۆ خەڵكی بەسڕە لە میانی پەیوەندییەكی تەلەفۆنیدا كە سەرۆكی دیوانی سەرۆكایەتی كۆمار لەگەڵ شێخ كازم ئەلسرایفی كە یەكێكە لە شێخەكانی سەرۆك هۆزەكانی بەسڕە.
ئاماژەی بەوەشكرد : دولەیمی ستایشی ئەو میواندارییە بەخشندە و ناوازەیەی عەرەبی كرد كە لەلایەن ئەلسرایفی و كوڕانی هۆزەكەیەوە پێشكەشی دەكات و خەڵكی بەسڕە بۆ میوانانی عێراق كە دێن بۆ بەشداریكردن و سەیركردنی یارییەكانی پاڵەوانێتی كەندایو 25 كە لەم رۆژانە بەسڕە بەرێوەدەچن.
ئەلدولەیمی بە ئەلسرایفی وتووە، بەپێی بەیاننامەكە ، سڵاو و پێزانینی سەرۆكی كۆمار عەبدولەتیف ڕەشید دەگەیەنم بە ئێوە و هەموو خەڵك و هۆزەكانی بەسڕە، ئاماژەی بەوەشكردووە : بەخشندەیی و رێزی ئێوە نامۆ نین بە خەڵك و شار و هۆزەكانی عێراق.
