دەستپاكی: سەرپێچی و زیادەڕەوی لە خەرجكردنی 700 ملیۆن لە تەندروستی و ڕادیۆی دیوانیە كراوە

بەغدا -  INA
ئەمڕۆ یەكشەممە دەستەی دەستپاكی فیدراڵی سەرپێچی و زیادەڕەوی لە خەرجكردنی 700 ملیۆن دینار بۆ تەندروستی و ڕادیۆی دیوانیە ڕاگەیاند.
لە بەیاننامەكەی بەشی لێكۆڵینەوەی دەستەكە كە بۆ ئاژانسی هەواڵی عێراقی (INA) ناردووە و ئاماژەی بەوەكردووە : ستافی نووسینگەی لێكۆڵینەوەی دەستەكە لە دیوانیە ئاشكرایكردووە، بڕی (375,000,000) دینار لەلایەن بەڕێوەبەری ڕادیۆی دیوانییەوە خەرج كراوە سەرپێچی یاسا، ئاماژەی بەوەشكرد كەپرۆسەكە بەبێ سەنەدی ئاڵوگۆڕ یان بەڵگەیەكی هەبێ بۆی.
لە بەیاننامەكەدا ئاماژە بەوەشكراوە: گرێبەستی نێوان ڕادیۆی دیوانیە لەگەڵ كۆمپانیایەك دەستی بەسەردا گیراوە، ئاماژە بەوەكراوە ئەو بڕە پارەیەی وەك مووچە بۆ كرێكارانی ڕادیۆ خەرجكراوە، بەهای بەكرێدانی تاوەرێكە كە لەسەر ڕادیۆكە بۆ ماوەی پێنج ساڵ دروستكراوە.
 لە درێژەی قسەكانیدا وتی: دەستەكە لە كۆتایی مانگی ئابدا دەستبەسەرداگرتنی بەرپرسی حیساباتی ڕادیۆی دیوانیەی (FM)  ڕاگەیاند، بەهۆی دەستكاریكردنی مووچەی كرێكارانی ڕادیۆ، جگە لەوەی بەناوی ئەوانەوە واژۆیان كردووە.
لەلایەكی ترەوە ستافی فەرمانگەكە ئاشكرایكردووە و  ئاماژەی بەوەشكرد : لە ئۆپەراسیۆنی دووەمدا كە بەڕێوەبەرایەتی تەندروستی دیوانیە بڕی (330,000,000) دیناری خەرجكردووە بۆ پرۆسەی ئامادەكردنی نەخۆشخانەی ئافرەتان و منداڵان لە پارێزگاكە بە (10) داینگە بۆ كۆرپەی پێشوەختە، كە نرخی كڕین زیادەڕەوی تێدا كراوە، جگە لە بوونی جیاوازی لە بنەڕەتدا لەوەی كە لە گرێبەستەكەدا باسكراوە.
 ئاماژەی بەوەدا : كە بەڕێوەبەری خانووبەرەی دەوڵەت لە قایمقامیەت ڕەزامەندی بەخشیوە بۆ دروستكردنی كارگەیەكی غاز لەسەر پارچە زەوییەك، سەرەڕای ئەوەی لە دەرەوەی دەسەڵاتی خۆیەتی، ئەمە جگە لەوەی كە پارچە زەوییەكە مافی فڕێدانی لایەنە پەیوەندیدارەكانە.