سەرۆك كۆمار خانەی بەساڵاچووان و مناڵانی بێ سەرپەرشت لە موسڵ بەسەردەكاتەوە

سیاسی

28-12-2022, 12:23

+A -A

بەغداد - INA

سەرۆك كۆمار عەبدوللەتیف جەمال ڕەشید ئەمرۆ چوار شەممە، خانەی بەساڵاچووان و مناڵانی بێ سەرپەرشت لە موسڵ بەسەركردەوە.

سەرۆكایەتی كۆمار لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: لە چوارچێوەی سەردانەكەیدا بۆ پارێزگای نەینەوا، سەرۆك كۆمار عەبدوللەتیف جەمال ڕەشید، رۆژی چوارشەممە ٢٨ی دیسێمبەری ٢٠٢٢، خانەی بەساڵاچووان و مناڵانی بێ سەرپەرشتی لە موسڵ بەسەركردەوە.

ئاشكراشیكرد: سەرۆك كۆمار سەردانی هەردوو خانەی كرد و لە نزیكەوە لەگەڵ ستافی خانەكان قسەیكرد دەستخۆشی لێكردن و داوای كرد هەموو پێداویستیەكانیان بۆ دابین بكرێت، هەروەها كورتەیەك لەو خزمەتگوزارییانە باسكرا كە پێشكەش بە خانەكان دەكرێت هەر لە ئاستی چاودێری تەندروستی و كۆمەڵایەتی و ئامرازەكانی دەستەبەركردنی پێداویستییەكان بۆیان.

رونیشیكردەوە: سەرۆك كۆمار لە نزیكەوە ئاگاداری دۆخی ئەو منداڵە بێ سەرپەرشتانە بو كە لە خانەی بێ سەرپەرشتاندا نیشتەجێن و لەدۆخ و بواری خوێندن و پێداویستیەكانیانی كۆڵییەوە، داوای لێكردن بەردەوام بن لە فێربوون و كۆڵنەدان بۆ ئەوەی كارەكتەرێكی چالاك بن لە بنیاتنانی ئایندەی عێراقدا.