سودانی : پرۆژەی فاو دەبێتە هۆی گەشەی ئابووری عێراقدا

سیاسی

27-12-2022, 00:15

+A -A

بەغداد/ INA

ئەمڕۆ دووشەممە"محەمەد شەیاع سودانی، سەرۆک وەزیرانی عێراق دووپاتیکردەوە کە پڕۆژەی بەندەری فاو هەنگاوێکی گرینگی ئابوورییە لە عێراقدا .

نووسینگەی ڕاگەیاندنی سەرۆک وەزیرانی عێراق، لەبەیاننامەیەکدا کە بە ئاژانسی هەواڵی عێراقی (INA) گەیشتووە، ڕایگەیاندووە"ئەمڕۆ محەمەد شەیاع سودانی" سەرۆک وەزیرانی عێراق ،بە یاوەری وەزیری گواستنەوە و پارێزگاری بەسرە و بریکاری وەزارەتی پلاندانان و بەڕێوەبەری گشتی بەندەرەکانی عێراق، سەردانێکی بۆ پڕۆژەی بەندەری گەورەی فاو لە پارێزگای بەسرە ئەنجامدا.

بەیاننامەکە ئاماژەی بەوەشکرد"سودانی لەو سەردانەیدا لە چۆنیەتی بەڕێوە چوونی پرۆژەکانی کۆڵیەوە، ولەگەڵ ئەندازیارانی نیشتەجێی پڕۆژەکە کۆبووەوە، و گوێی لە پێشنیار و بۆچونەکان گرت و سەرنجی خۆی لەسەر پرۆژەکان خستەروو.

بەپێ بەیاننامەکە "سودانی" جەختی لە گرنگی ستراتیژیی پڕۆژەکە کردەوە بۆ عێراق و ناوچەکە و ئاماژەی بەوەش کرد ئامانج لە سەردانەکەی دڵنیا بوونە لە بارو دۆخی بەندەرەکان.

هەروەک " سودانی جەختی لەوە کردەوە کە "حکومەت هەموو تواناکانی دەخاتە گەڕ بۆ ئەوەی پڕۆژەکە لە ماوەی دیاریکراو تەواو بکات، بەپێی ئەو تایبەتمەندیانەی کە دانراون.

بەیاننامەکە ڕوونیشیکردەوە"کە پرۆژەی بەندەری فاو دەبێتە هۆی هەنگاوێکی گرینگی ئابووریی عێراقدا، بۆیە حکومەت ئارەزووی تێپەڕاندنی هەموو ئاستەنگەکان دەکات.