حەشدی شەعبی 700 بۆمب و مووشەكی جۆری (جەهەنم) لە نەینەوا هەڵگرتەوە
ناوخۆ
- 21-12-2022, 18:28
بەغداد - INA
دەستەی حەشدی شەعبی ئەمرۆ چوارشەممە، هەڵگرتن و لابردنی 700 بۆمب و مووشەكی جۆری (جەهەنم) لە دەشتی نەینەوا ڕاگەیاند.
دەستەكە لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: هێزێكی هاوبەشی لیوای 30 و فەوجی ئەركی تایبەتی حەشدی شەعبی توانیان زیاتر لە 700 بۆمب و مووشەكی جۆری (جەهەنم) پاش ئەوەی لەدەشتی نەینەوا دۆزرایەوە هەڵبگرنەوەو فڕێبدەن.
ئەوەشی خستەڕوو: ئەمە لە كاتی ئەنجامدانی ئۆپەراسیۆنێكی ئەمنیی كە لە لایەن ئەو هێزەوە ئەنجامدرابوو لە ناوچەی نێوان گوندەكانی منارە و تەهراوە لە دەشتی نەینەوا، و ئاماژەی بەوەدا: لەژێر كۆنتڕۆڵدا تەقێندرانەوە.
لە بەیاننامەكەدا هاتووە: هەوڵەكانی حەشدی شەعبی بەردەوامن بۆ لابردنی پاشماوەكانی چەتەكانی داعش و ڕزگاركردنی گیانی هاوڵاتیان.
عێراق ڕەتیدەکاتەوە سووتەمەنی بەردینی لەناوببات
- ناوخۆ
- 11:28