سەید حەكیم داوای پشتیوانیكردن لەحكومەت و بەدواداچوون بۆ جێبەجێكردنی بڕیارەكانی لوتكەی بەغداد دوو دەكات

سیاسی

21-12-2022, 11:22

+A -A

بەغداد - INA
عەممار حەكیم سەرۆكی رەوتی حیكمەی نیشتمانی ئەمرۆ چوارشەممە، داوایكرد پشتیوانی لەحكومەت بكرێت و بەدواداچوون بۆ جێبەجێكردنی بڕیارەكانی لوتكەی بەغداد دوو بكرێت.
سەید ئەلحەكیم لەبەیاننامەیەكدا كە دەست ئاژانسی هەواڵی عێراقی كەوتووە، دەڵێت: ستایشی حكومەتی عێراق دەكەین و هەوڵەكانیشی بەرز دەنرخێنین بۆ بەردەوامبوون لە تەوژمی پەیوەندییە هاوبەش و هەماهەنگییە هەرێمی و نێودەوڵەتیەكان لەسەر بنەمای بەرژەوەندییە هاوبەشەكانی نێوان عێراق و وڵاتانی دراوسێ و وڵاتانی دۆست.
ئاماژەی بەوەشدا: كە بەستنی لوتكەی بەغدا دوو بۆ هاوكاری و هاوبەشی لە شانشینی هاشمی ئوردن وەك هەنگاوێكی گرنگ لەم چوارچێوەیەدا دێت.
سەید حەكیم داوای لە هێزە سیاسییەكان و میدیا و چالاكانی كۆمەڵایەتی و جەماوەریی كرد كە لەم بوارەدا پشتگیری حكومەت بكەن، هەروەها داوایكرد: كە بەدواداچوون بۆ جێبەجێكردنی بڕیارەكانی لوتكەی بەغداد دوو بكرێت بەجۆرێك پشتیوانی بۆ عێراق لەقازانجی سیاسی و ئەمنی و گەشەپێدان و بازرگانی و بەرژەوەندیی عێراق و خەڵكەكەی و هەموو گەلانی ناوچەكەو جیهان زیاتر بكات.