سودانی ونوێنه‌ری كاروباری ده‌ره‌وه‌ی یه‌كێتی ئه‌ورۆپا جه‌خت له‌پته‌وكردنی په‌یوه‌ندییه‌كان ده‌كه‌نه‌وه‌

به‌غداـ INA

 محه‌مه‌د شیاع سودانی سه‌رۆكی ئه‌نجوومه‌نی وه‌زیران، ئێواره‌ی ئه‌مڕۆ سێ شه‌ممه‌، چاویكه‌وت به‌ جۆزێپ بۆرێل نوێنه‌ری سامی بۆ كاروباری ده‌ره‌وه‌ی یه‌كـێتی ئه‌ورۆپا له‌په‌راوێزی به‌شداریكردنی له‌كۆنگره‌ی دووه‌می به‌غدا بۆ هاریكاری و هاوبه‌شی كه‌ئوردن میوانداری ده‌كات. 

نوسینگه‌ی راگه‌یاندنی سه‌رۆكی ئه‌نجوومه‌نی وه‌زیران له‌راگه‌یندراوێكدا كه‌بۆ ئاژانسی هه‌واڵی عێراقی ناردووه‌ راگه‌یاند"  له‌دیدارێكدا، ‌په‌یوه‌ندییه‌ دوو قۆڵیه‌كانی نێوان عێراق و وڵاتانی یه‌كێتی ئه‌ورۆپا به‌گشتی و چۆنیه‌تی به‌هێزكردنی هاوبه‌شی و ئالوگۆڕی له‌سه‌ر ئاستی ئابووری و ئه‌منی و بواره‌كانی تری هاوبه‌سته‌ به‌به‌رژه‌وه‌ندیه‌ هاوبه‌شه‌كان گفتوگۆیان كرد. 

 له‌لایی خۆیه‌وه‌ سودانی ئاماژه‌ی كرد كه‌عێراق گرنگی به‌هاوسه‌نگی په‌یوه‌ندییه‌ ده‌ره‌كیه‌كان و ئاراسته‌ی به‌ره‌و كاركردنی نێوده‌وڵه‌تی بۆ پشتگیریكردنی ئاسایش و سه‌قامگیری ناوچه‌كه‌ ده‌دات، هه‌روه‌ها بایه‌خیش به‌هه‌وڵه‌ هاوبه‌شه‌كان له‌بواری به‌ره‌نگاربوونه‌وه‌ی تیرۆر وتوندوتیژی و رووبه‌رووبوونه‌وه‌ی ڕكمانیه‌ ئابووریه‌كان ده‌دات. 

 له‌به‌رامبه‌ردا بۆرێل پشتگیری یه‌كێتی ئه‌ورۆپا بۆ سه‌قامگیری عێراق و هاوكاریكردنی له‌سه‌ر ئاسته‌ جیاجیاكاندا دووپاتكرده‌وه‌، هه‌روه‌ها داوایه‌كیش ئاراسته‌ی به‌ڕێز سودانی كرد بۆ ئه‌وه‌ی سه‌ردانی باره‌گای یه‌كێتی ئه‌ورۆپا له‌برۆكسل بكات ، له‌پێناوی زیاتر باسكردنی پرسه‌ هاوبه‌شه‌كان و پته‌وكردنی په‌یوه‌ندی هاوبه‌ش له‌نێوان عێراق و وڵاتانی یه‌كێتی ئه‌ورۆپا. له‌هه‌مبه‌ردا سودانی دووپاتیكرده‌وه‌ كه‌دواتنامه‌كه‌ له‌زووترین ده‌رفه‌تدا جێبه‌جێ ده‌كات.