ئۆپەراسیۆنە هاوبەشەكان و ناوەندی ئەمریكا تەئكید لەبەردەوامی هەوڵەكانی روبەروبوونەوەی تیرۆر دەكەنەوە

ئەمنی

14-12-2022, 17:10

+A -A

بەغداد - INA

فەرماندەیی ئۆپەراسیۆنە هاوبەشەكان و فەرماندەیی ناوەندی ئەمریكا ئەمرۆ چوارشەممە تەئكیدیان لە بەردەوامبوونی هەوڵەكانی هاوكاری لە بواری بەرەنگاربوونەوەی تیرۆر و بەدواداچوونی ئەندامانی چەتەكانی داعش كردەوە.

شانەی ڕاگەیاندنی ئەمنی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: فەریق روكن قەیس ئەلمحەمەداوی جێگری فەرماندەی ئۆپەراسیۆنە هاوبەشەكان لەگەڵ فەرماندەی هێزەكانی ناوەندی ئەمریكا، جەنەراڵ مایكڵ كۆرێلا كۆبووەوە، ئاماژەی بەوەشدا: هەردوولا چەند كێشەیەكی هاوبەشیان تاوتوێكردو لە پێشی هەموویانەوە چڕكردنەوەی هەماهەنگی نێوان هێزە ئەمنییەكانی عێراق و ڕاوێژكارانی هاوپەیمانی نێودەوڵەتی لەچوارچێوە و دەرهاویشتەكانی دیالۆگی ستراتیژی لەبواری ڕاهێناندا لەسەر بنەمای ڕاوێژكاری و چاككردنی كەلوپەلەكان و ئاڵوگۆڕی زانیاری.

رونیشیكردەوە: جەختیان لەوە كرردەوە كە هەوڵەكان بۆ بەرەنگاربوونەوەی تیرۆر و بەدواداچوونی ئەندامانی داعش بەردەوام دەبن بۆ ئەوەی دڵنیابنەوە كە ئەو پێكهاتە تیرۆریستییە تێكشكاوانە ناگەڕێنەوە بۆ ناوچە ئارامەكانمان.

ئاماژەی بۆ ئەوەشكرد: هەردوولا دوایین سەركەوتنەكانی بە سەر تیرۆر و دابینكردنی ژینگەی گونجاو بۆ كاری ئەمنی تاوتوێ كرد.