کۆبوونەوەیەک لەنێوان تورکیاوعێڕاق ئەنجام درا بۆ هاوکاری لە بواری بەندەرەکان و گواستنەوەو هێڵی ئاسنین

ناوخۆ

13-12-2022, 20:44

+A -A

بەغداد/ INA

وەزیری گواستنەوە ڕەزاق محێبس سەعداوی ئەمڕۆ ڕۆژی سێشەممە لەگەڵ بەرپرسانی تورکیا باسیان لە بوارەکانی هاوکاری کرد لەکەرتی بەندەرەکان و گواستنەوەو هێڵەکانی ئاسن.

وەزارەت لە بەیاننامەیەکدا کە دەست ئاژانسی هەواڵی عێڕاقی کەوت وتی سەعداوی پێشوازیکرد لە باڵیۆزی ئەنقەڕە لەبەغداد علی ڕەزاگونای و شاندی یاوەری و جەختی لەوەکردەوەکە کۆمپانیاکانی تورکیا دەتوانن ئەوئەرکانە ڕایی بکەن کەپێیان سپێردراوە، ئاماژەشی بەوەدا کە لەلایەن سەرۆک وەزیران سودانیەوە ڕاسپێردراوە کە تاوتوێی پڕۆژەکانی هێڵی ئاسنین و ڕێگاکانی وشکانی بکات لەگەڵ شاندەکەدا.

هەروەها سەعداوی وتی کە هەماهەنگی وهاوبەشی لەنێوان تورکیاوعێڕاق زۆرگرنگەوعێڕاق مکووڕەلەسەر تەواوکردنی بەندەری فاو و ڕێگای گەشەدان لەنێوان تورکیاو عێڕاق.

لەلایەن خۆیەوە شاندی تورکیا ئامادەگی خۆی نیشان دا بۆ کارکردنی هاوبەش لەگەڵ عێڕاقدا

بۆ تەواوکردنی سەرجەم پڕۆژەکان وداڕشتنی پلان بۆیان.