نەتەوە یەكگرتووەكان ستراتیژییەك بۆ نەهێشتنی 50%ی هەژاری لە عێراق ڕادەگەیەنێت

ناوخۆ

11-12-2022, 19:56

+A -A

بەغدا - INA- ویسام مەلا

ئەمڕۆ یەكشەممە سندوقی نەتەوە یەكگرتووەكان بۆ دانیشتوانی عێراق ستراتیژیەتێك بۆ بنبڕكردنی لەسەدا 50ی هەژاری لە ساڵی 2030 ئاشكرا كرد.

مەهدی ئەلعەلاق ڕاوێژكاری باڵای سندوقی دانیشتوانی نەتەوە یەكگرتووەكان لە عێراق لە راگەیاندراوێدا كە بۆ ئاژانسی هەواڵی عێراقی (INA) ناردووە و ڕایگەیاند: 17ئامانجی گەشەپێدانی بەردەوام دەستنیشانكراون كە پەیوەندییان بە چارەسەركردن و نەهێشتنی هەژارییەوە هەیە بەلایەنی كەمەوە لەسەدا 50 لە ساڵی 2030، جەختیشی لەوە كردەوە كە عێراق ئەو ستراتیژێكی هەیە كە لەلایەن وەزارەتی پلاندانانەوە نوێ دەكرێتەوە، و هیوادارە دوای چەند مانگێك بخرێتە بواری جێبەجێكردنەوە بۆ ئەوەی لە ساڵانی داهاتوودا كار لەسەری بكات.

ئاماژەی بەوەشكرد : ئامانجەكانی گەشەپێدان بۆ ماوەی 15 ساڵ بەردەوام دەبن، لە ساڵی 2015 دەستی پێكردووە و لە ساڵی 2030 كۆتایی دێت، بەڵام دیدگاكە لە ساڵانی كۆتاییدا دەستیپێكردووە، ئاماژەی بەوەشكرد تەماحێك هەیە بۆ گەیشتن بە ئامانجی دیاریكراو لە ساڵی 2030دا.

ئاماژەی بەوەشكرد :گەیشتن بە ئامانجە خوازراوەكان لەسەر بنەمای دەرهێنانێكی واقیعی بابەتەكانە، ئاماژەی بەوەشكرد : رێژەی هەژاری تا ساڵی 2030 لەسەدا 50 كەمتر نابێتەوە، ئەمەش ئامانجێكی گەورەیە و دەبێت كاری لەسەر بكرێت و ستراتیژییەكان دابڕێژرێت كە لە ئەنجامدا دەبێتە هۆی یەكسانی بۆ گروپە هەژارەكان بۆ ئەوەی لەم ئاستەوە بەرەو ئاستێكی باشتر بڕۆن.

ئەلعەلاق ئاماژەی بەوەدا كە زۆرینەی ئامانجەكان ئامانجیان پەرەپێدانی دانیشتوانە، ئاماژەی بەوەشكرد232 پێوەر هەیە كە پێویستە دابین بكرێن بۆ دیاریكردنی پێگەی وbت لە گەشەپێدانی بەردەوامدا.

جەختیشی لەوە كردەوە : كە رێكخراوی ئاماری ناوەندی داتابەیسێكی باشی هەیە و پلانێكی هەیە بۆ بەدواداچوون بۆ گەشەپێدانی بەردەوام، و هەوڵدەدات بۆ گەیشتن بە ئامانجە خوازراوەكان، ئاماژەی بەوەشكرد كە عێراق لە ساڵی 2019 بەڵگەنامەیەكی نیشتیمانی پێشكەشكرد بەناوی پابەندبوونەكانی عێراق بەرامبەر بە لوتكەی نایرۆبی لەسەر دانیشتووان و گەشەپێدان، و بە ئامادەبوونی هەزاران بەشداربوو لە هەموو وڵاتان جیهان.

لە درێژەی قسەكانیدا : عێراق نزیكەی 19 بەڵێنی داوە، كە زۆرینەیان پەیوەستن بە كێشەكانی دانیشتوان و گەشەپێدان، پرسی ڕەگەز، تەندروستی زاوزێ، مردن، كاری ژنان، و جیاوازی نێوان نێر و مێ.