سەرۆك وەزیران بانگهێشتنامەی فەرمی بۆ سەردانی ئیمارات وەردەگرێت

سیاسی

7-12-2022, 22:01

+A -A

بەغداد - INA

محەمەد شیاع سودانی سەرۆك وەزیران ئەمرۆ چوارشەممە بانگهێشتنامەیەكی ڕەسمی بۆ سەردانی ئیمارات وەرگرت و هاوكات جەختی لەسەر پرسی عێراق كردەوە بۆ بەهێزكردنی هاوبەشی و هەماهەنگی.

نوسینگەی ڕاگەیاندنی سەرۆك وەزیران لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: نیوەرۆی ئەمڕۆ چوراشەممە، محەمەد شیاع سودانی سەرۆكی ئەنجوومەنی وەزیران پێشوازی لە عەبدولڵاهـ سوڵتان عەواد ئەلنەعێمی وەزیری دادی ئیمارات و شاندی یاوەری كرد.

لە بەیاننامەكەدا هاتووە، كە سەرۆكی ئەنجوومەنی وەزیران لەكاتی پێشوازیكردنی ووتی: عێراق هەوڵی بەردەوام دەدات بۆ دروستكردنی باشترین پەیوەندی لەگەڵ دەوڵەتی ئیماراتی یەكگرتوویی عەرەبی، وتۆكمەكردنی هاوبەشی وهاریكاری لەسەر هەموو ئاست و بوارێك.

لەبەرامبەردا نەعێمی داوەتنامەیەكی فەرمی لەسەركردایەتی ئیمارات بە سودانی دا بۆ ئەوەی سەردانی دەوڵەتی ئیماراتی یەكگرتووی عەرەبی بكات، بەمەبەستی گفتوگۆكردن سەبارەت بەگەشەپێدانی پەیوەندیەكان و جەختكردنەوە لەپتەوكردنی هاوبەندی دۆستایەتی و هاوكاری لەگەڵ عێراق.