نەزاهە دەركردنی فەرمانی زیندانیكردنی بۆ بەڕێوەبەری گشتی پێشووی بانكی كشتوكاڵی

بەغداد - INA
دەستەی نەزاهەی فیدراڵی ئەمڕۆ چوارشەممە، دەركردنی بڕیاری  سزادانی بەڕێوەبەری گشتیی پێشووی بانكی هاوكاری كشتوكاڵی بەزیندانی توند راگەیاند بەهۆی ئەنجامدانی بابەتێكی بەئەنقەست كەپێشێلكردنی ئەركەكانی كارەكەی بووە.
بەشی لێكۆڵینەوەی دەستەكە، كە دەست ئاژانسی ئاژانسی هەواڵی عێراقی كەوتووە، دادگای ڕەسافەی تایبەت بە كێشەی نەزاهە، بە غیابی سزای زیندانیكردنی تووندی بۆ ماوەی سێ ساڵ بەسەر بەڕێوەبەری گشتی پێشووی بانكی هاوكاری كشتوكاڵیدا سەپاند.
لە بەیاننامەكەدا ئەوە ڕوونكراوەتەوە: كە تۆمەتبارەكە ئەو قەرزەی گۆڕیوە كە لە نامەی گەرەنتییەوە بۆ گرەنتی خانووبەرە بە یەكێك لە قەرزدەرەكان بەخشراوە، بەبێ ئەوەی ڕەزامەندی ئەنجومەنی بەڕێوەبەری بانكەكە بەدەست بهێنێت.
رونیشیكردەوە: دوای پێداچوونەوەی ئەو بەڵگانەی كە لە كەیسەكەدا بە دەست گەیشتوون، دادگای ڕەسافە كە تایبەتە بە كێشەی نەزاهە، بە پێویست و قایلكەر زانی تۆمەتبارەكە تاوانبار بكات، بۆیە بڕیاریدا بە پێی بڕگەكانی ماددەی 331ی یاسای سزادان.    
جێگای ئاماژەیە، دەستەی نەزاهە لە بیستی مانگی شەشی ڕابردوو دەركردنی فەرمانی دەستگیركردن و لێكۆڵینەوە لە دژی بەڕێوەبەری گشتی پێشووی بانكی كشتوكاڵی ڕاگەیاند، بەهۆی باكگراوندی جێگرتنەوەی بەڵگەنامەی قەرز كە دراوە بە قەرزدەرێك لە نامەی گەرەنتی بۆ گەرەنتی خانووبەرە بەبێ ڕەزامەندی ئەنجومەنی بەڕێوەبەر.