پەرلەمانی کوردستان بەتووندی سەرکۆنەی دواین ھێرش و پەلامارەکانی کۆماری ئیسلامیی ئێران بۆ سەر چەند ناوچەیەکی ھەرێمی کوردستان دەکات
سیاسی
- 21-11-2022, 22:12
هه‌ولێرـ INA
له راگه‌یه‌ندراوێكدا، په‌رله‌مانی كوردستان نیگه‌رانی خۆی له باره‌ی دوایین هێرشی مووشه‌كی و درۆنی هێزه‌كانی ئێران بۆسه‌ر چه‌ند ناوچه‌یه‌كی هه‌ردوو پارێزگای هه‌ولێر و سلێمانی ده‌ربڕی و تێیدا هاتووه، "بەتوندی ئیدانەی ئەم ھێرش و پەلامارە بێپاساوانە ده‌كه‌ین.
له‌و راگه‌یندراوه‌دا كه‌كۆپیه‌ك به‌ده‌ستی ئاژانسی هه‌واڵی عێراقی كه‌تووه" هاتووه" پەرلەمانی کوردستان بە نیگەرانییەکی زۆرەوە لە دواین ھێرشی مووشەکی و درۆنی ھێزەکانی کۆماری ئیسلامیی ئێران لە شەوی ٢٠ لەسەر ٢١ ی ١١ / ٢٠٢٢، بۆ سەر چەند ناوچەیەکی پارێزگای ھەولێر و پارێزگای سلێمانی دەڕوانێت و بەتووندی ئیدانەی ئەم ھێرش و پەلامارە بێپاساوانە دەکات.
پەرلەمانی کوردستان وێڕای جەختکردنەوە لە پێویستیی پەرەپێدانی پەیوەندییەکان لەگەل سەرجەم درواسێکان لەسەر بنەمای ڕێزی ھاوبەش و بەرژەوەندیی ھاوبەش و دەستوەرنەدان لە کاروباری ناوخۆی یەکتری و پابەندبوونی تەواو بە یاسا و ڕێسا نێوەدەوڵەتیێەکان، ھێرش و پەلاماری سەربازی لەھەر لایەکەوە بێت سەرکۆنە دەکەین و پێمان وایە چارەسەر و میکانیزمی سەربازی نەک ھیچ کێشەیەک چارەسەر ناکات، بەڵکو ئاسۆی چارەسەری و ئاشتیی ناوچەیی دەخاتە مەترسیی زیاترەوە.
پەرلەمانی کوردستان داوا لە حکوومەتی فیدڕاڵ دەکات زیاتر بە ئەرکی دەستووریی خۆی بۆ پاراستنی سەروەریی عێراق بە ھەرێمی کوردستانیشەوە ھەستێت و ھەموو ڕێگایەکی دیپلۆماسی بۆ ئەو ئامانجە بگرێتە بەر . ئەرکی ئەنجوومەنی ئاسایشی نێوەدەوڵەتی و کۆمەڵگەی نێودەوڵەتییە بۆ پاراستنی ئاسایشی ناوچەیی و جیھانی و بەرگرتن لە پەرەسەندنی ناسەقامگیری، بە ئەرکی سەر شانیان ھەڵبستن.
