سەرۆك كۆمار: هاوكاری نێوان هەموو هێزەكان بۆ بەدیهێنانی سەقامگیریی سیاسی و ئەمنی پێویستە
سیاسی
- 9-11-2022, 19:39
بەغداد - INA
سەرۆك كۆمار عەبدولەتیف جەمال ڕەشید ئەمرۆ چوارشەممە، تەئكیدی لە پێویستی هەماهەنگی هاوبەشی نێوان هەموو هێزو كوتلە نیشتمانییەكان بۆ بەدیهێنانی سەقامگیریی سیاسی و ئەمنی لەعیراق كردەوە.
نوسینگەی راگەیاندنی سەرۆكایەتی كۆمار لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: سەرۆك ڕەشید ئەمڕۆ لەكۆشكی سەلام لەبەغدا پێشوازیكرد لە محەمەد سالم ئەلغبان وەزیری پێشووتری ناوخۆ، كە بەبۆنەی هەڵبژاردنەوە پیرۆزبایی خۆی ئاراستەی سەرۆك كۆمار كرد و لەبەرامبەریشدا سەرۆك كۆمار سوپاس و پێزانینی خۆی دەربری.
بەپێی بەیاننامەكە سەرۆك كۆمار ئاماژەی بۆ ئەوەكردووە، قۆناغی داهاتوو پێویستی بە هەماهەنگیی زیاتری نێوان هەموو هێزو كوتلە نیشتمانیەكان هەیە بۆ بەدیهێنانی سەقامگیریی سیاسی و ئەمنی لەعیراق و ڕووبەرووبوونەوەی ئەو گرفتانە بەشێوەیەك كە ئاشتی و ئاسایش بۆ وڵات زیاتر بكات.
