وەزیری كۆچ و كۆچبەران گەڕانەوەی ئاوارەكانی عێراق لە كامپی هۆل هەڵپەسارد

بەغداد  - INA
ئیڤان فایق وەزیری كۆچ و كۆچبەران ئەمرۆ چوارشەممە، فەرمانی دا بە هەڵپەساردنی  گەڕانەوەی ئاوارەكانی عێراقی لەكەمپی سوری هۆل بۆ سەنتەری جدعە تا ئەو كاتەی كە بارودۆخی لەبار دروست دەبێت.
وەزارەتی كۆچ و كۆچبەران لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: وەزیری كۆچ و كۆچبەران ئیڤان فایق، لە میانەی سەرۆكایەتی كۆبوونەوەی لیژنەی باڵای هاوكاری و پشتیوانی ئاوارەكاندا، گەڕانەوەی ئاوارەكانی عێراق لەكەمپی سوری هۆلەوە بۆ ناوەندی جدعە هەڵپەسارد تا میكانیزمێكی نوێ دادەنرێت و هەموو هەلومەرجێكی گونجاو بۆ گەڕانەوەیان دروست دەبێت.
وەزارەتی كۆچ و كۆچبەران رایگەیاند: بە هەموو وردەكارییەكانییەوە ئەركی بەڕێوەبردنی كەمپەكانی جدعە 1 و جدعە 5 و سنورداركردنی كاری دەزگا ئەمنییەكان و ڕێوشوێنەكانیان لەناو كامپەكاندا تەنیا بۆ پشتیوانی و پشتیوانی ئەمنییە و وتیشی: ڕێكخراوە نێودەوڵەتییەكان بە تایبەتی مامەڵە لەگەڵ وەزارەتی كۆچ و كۆچبەران دەكەن سەبارەت بە چونە ناو كامپی ئاوارەكانەوە بە پێی پلانێك كە لەلایەن وەزارەتەوە داڕێژراوە.
هەروەها بڕیاریدا بۆ خێراكردنی دابەشكردنی نەوتی سپی بۆ ئاوارەكانی كەمپەكان كە هاوكات بێت لەگەڵ هاتنی زستاندا.