سودانی ڕێنمایی سەركردە ئەمنییەكان دەكات كە پابەندبن بە مامەڵەی مرۆیی لەگەڵ هەموو هاووڵاتیان بن
سیاسی
- 30-10-2022, 22:04
بەغدا - INA
ئەمڕۆ یەكشەممە محەممەد شیاع سودانی سەرۆك وەزیرانی عێراق ڕێنماییەكانی بۆ سەركردە ئەمنییەكان دەركرد، هاوكات جەختی لە گرنگی جێبەجێكردنی یاسا و گەڕاندنەوەی شكۆمەندی دەوڵەت كردەوە.
نووسینگەی ڕاگەیاندنی سەرۆكوەزیرانی عێراق لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە و ڕایگەیاندووە : محەممەد شیاع ئەلسودانی سەرۆك وەزیرانی عێراق، ئەمڕۆ یەكشەممە سەردانی بارەگای فەرماندەیی ئۆپەراسیۆنە هاوبەشەكانی بەغدای پایتەختی كرد و سەرۆكایەتیی . كۆبوونەوەیەكی ئەمنی سەركردە سەربازییەكان كرد.
ئاماژەی بەوەشكرد : ئەلسودانی گوێی لە پێشكەشكردنێكی بەرفراوان گرت سەبارەت بە بەرەوپێشچوونی پلانە ئەمنی و سەربازییەكان كە لەلایەن هێزە قارەمانەكانی عێراقەوە جێبەجێكراون، لە كەرتە جیاوازەكانی ئۆپەراسیۆنەكان و ئەو تەحەددایانەی ڕووبەڕوویان دەبێتەوە.
ئەلسودانی ستایشی پیشەیی بوونی هێزە ئەمنییەكان بە هەموو جۆرەكانیەوە، و هەوڵەكانیان لە بەرەنگاربوونەوەی پاشماوەی تیرۆریستانی داعش و بەرپەرچدانەوەی هەڕەشە و مەترسییە ناوخۆییەكان و پێزانینی بۆ قوربانیدانی شەهیدان و بنەماڵەكانیان، هەروەها قوربانیدانی شەهیدان و بنەماڵەكانیان بەرز نرخاند و ئەو پاڵەوانە بریندارانەی كە وێنەیەكی قارەمانانەی گەشاوەی عێراقیان پێشكەش كرد.
جەختیشی لەوە كردەوە كە : خەڵك سەرچاوەی دەسەڵاتە، دەستووری عێراقیش ڕوون و ئاشكرایە لە جەختكردنەوە لەسەر مافە مەدەنی و سیاسی و ڕۆشنبیری و ئابوورییەكانی خەڵك، ڕوونیشی كردەوە كە ئەركی دەوڵەت و بەهەموو دەسەڵاتەكانییە بۆ پاراستنی ئەم مافانەن.
ناوبراو جەختی لە گرنگی جێبەجێكردنی یاسا و گەڕاندنەوەی شكۆمەندی دەوڵەت كردەوە، لە پێناو بەدیهێنانی ئاسایشی یەكگرتوو لە سەرتاسەری عێراق، ئاماژەی بەوەشكرد : ئاسایش پێشەكییەكە بۆ بیناسازی و بنەمایە بۆ دەستپێكردنی گەشەپێدانی بەردەوام لە وڵاتدا، لە ڕێگەی وەبەرهێنانی وزە و سامانەوە.
ناوبراو ئاڕاستەی سەركردە ئەمنییەكان دەكات پابەندبن بە كارلێكی مرۆیی لەگەڵ سەرجەم هاووڵاتیان، هەروەها سەردانی مەیدانی بەرفراوان بۆ كەرتەكانی ئۆپەراسیۆن ئەنجام بدەن بۆ دیاریكردنی ئامادەیی هێزە سەربازییەكان و ئاگاداربوون لە شەڕڤانان و چارەسەركردنی كێشەكانیان، هەروەها چاوخشاندنەوە بە بازگەكان و ژمارەكەیان لە پاراستنەكان بۆ سەركردە ئەمنییەكان.
