شاخەوان عەبدوڵڵا پیرۆزبایی لە سەرۆك كۆماركرد
سیاسی
- 13-10-2022, 21:25
بەغدا -INA
شاخەوان عەبدوڵڵا، جێگری سەرۆكی ئەنجوومەنی نوێنەران پیرۆزبایی لە لەتیف رەشید دەكات بەبۆنەی هەڵبژاردنی بە سەرۆك كۆمار.
لەتویتێكدا لە تویتەر شاخەوان عەبدوڵڵا جێگری سەرۆكی ئەنجوومەنی نوێنەران، جەختی لەسەر بەڕێوەچوونی پرۆسەی هەڵبژاردنی سەرۆك كۆمار بەشێوەیەكی دیموكراسییانە كردووەتەوە، كە تێیدا زۆرینەی پەرلەمانتاران متمانەیان بە لەتیف رەشید بەخشی بۆ پۆستی سەرۆك كۆمار.
هەروەها جێگری سەرۆكی ئەنجوومەنی نوێنەران هیوای سەركەوتنی لە ئەركەكان و بەرپرسیاریەتە یاساییەكانی بۆ سەرۆك كۆماری هەڵبژێردراو خواستووە بۆ پابەندبوون بە دەستوور، پاراستنی سەروەری وڵات، بەرژەوەندی هاووڵاتیان و تۆكمەكردنی ئازادییەكان.
