كازمی جەخت لەگرنگی پەرەپێدانی هەماهەنگی ئەمنی و سەربازی نێوان عێراق و لوبنان دەكاتەوە

سیاسی

12-10-2022, 17:51

+A -A

بەغداد - INA

مستەفا كازمی سەرۆك وەزیران ئەمرۆ چوارشەممە، جەختی لەسەر گرنگی پەرەپێدانی هەماهەنگی ئەمنی و سەربازی نێوان عێراق و لوبنان كردەوە.

نوسینگەی راگەیاندنی سەرۆك وەزیران لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: مستەفا كازمی سەرۆك وەزیران پێشوازیكد لە فەرماندەی هێزە چەكدارەكانی لوبنان جۆزیف عەون.

لە كۆبوونەوەكەدا گفتوگۆكرا لەبارەی پەیوەندییە دووقۆڵییەكانی نێوان هەردوو وڵات و چۆنیەتی پەرەپێدانی هاوكاری هاوبەش و گفتوگۆ لەسەر میكانیزمەكانی پشتگیریكردنی دامەزراوە سەربازییەكە بە شێوەیەك كە ئاستی ئەدای باشتر بكات.

ئاماژەی بۆ ئەوەشكرد: كۆبوونەوە پێداچوونەوەی هەوڵەكانی هێزە عێراقییەكانی كرد لە بەرەنگاربوونەوەی تیرۆر و بەدواداچوونی پاشماوەكانی و ستایشی ئەو سەركەوتنانەی كرد كە لەسەر زەوی بەدەستهاتوون و ڕەنگدانەوەی ئەرێنیی لەسەر پتەوكردنی ئاسایش و سەقامگیریی عێراق و ناوچەكە هەبووە.

بەپێی بەیاننامەكە كازمی جەختی لەسەر گرنگی پەرەپێدانی هاوكارییە ئەمنی و سەربازییەكانی نێوان هەردوو وڵات كردەوە، بۆ ئەوەی سەقامگیریی ئەمنی بۆ هەردوو گەلی برا زامن بكرێت.