ئاسایشی نیشتمانی دەستگیركردنی كەسێكی راگەیاند كە لە رێگەی ئەلكترۆنیەوە خەڵكی ئیبتزازكردووە
ئەمنی
- 8-10-2022, 18:55
بەغداد - INA
دەزگای ئاسایشی نیشتمانی ئەمرۆ شەممە، دەستگیركردنی كەسێكی راگەیاند كە لە رێگەی تۆڕی ئەلكترۆنیەوە ئیبتزازی كچانی كردووە.
دەزگاكە لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: دەزگای ئاسایشی نیشتمانی بەردەوام بوو لە هەوڵەكانی بۆ كەمكردنەوەی دیاردەی تەشەنەكردنی خراپبەكارهێنانی ئەلكترۆنی و كاریگەرییە سلبییەكانی لەسەر كۆمەڵگا، بە ڕەچاوكردنی ئەو سكاڵایەی كە دەزگاكە پێی گەیشتووە سەبارەت بە بوونی كەسێك كە هاوڵاتییەكی لە یەكێك لە وڵاتە عەرەبیەكان ئیبتزازكردووە.
ئاشكراشیكرد: لەسەر بنەمای ڕەزامەندی دادوەری، هێزێكی دەزگاكە دوای گەیشتنی بە ناونیشانی نیشتەجێبوونی لە ناوچەی مەحمودیەی باشووری بەغدا، توانی تۆمەتبارەكە دەستگیر بكات.
رونیشیكردەوە: كە تۆمەتبارەكە بەپێی مادەی (452) دەستگیركراوەو و رادەستی دەسەڵاتی دادوەری تایبەتمەند دەكرێت بۆ وەرگرتنی سزای دادوەریی خۆی.
