نێچیرڤان بارزانی جه‌ژنا جه‌مایێ ل ته‌ڤایا ئێزدیان پیرۆز دكه‌ت
سیاسی
- 6-10-2022, 10:33
هه‌ولێرـ INA
بهه‌لكه‌فتا هاتنا جه‌ژنا جه‌مایێ یا برایێن ئێزدی نێچیرڤان بارزانی سه‌رۆكی هه‌رێمی كوردستان په‌یامه‌كا پیرۆزبایی ئاراسته‌كریه و تێدا هاتیه" جه‌ژنا جه‌مایێ ل هه‌می خوشک و برایێن ئێزدی ل کوردستانێ و ل هه‌ر ده‌ره‌کا جیهانی بن، ب گه‌رمی پیرۆز دکه‌م، هیڤیدارم جه‌ژنه‌کا خۆش و ئارام ببۆرینن و جه‌ژن و بیرهاتنێن بێن، د ڕه‌وشه‌کا باشتردا ڤه‌گه‌ڕن.
د ده‌مه‌کێدا کو جه‌ژنا جه‌مایێ تێته گێڕان، دلێ مه ل جه‌م وان مالبات و خوشک و برایێن مه یێن ئێزدییه کو هه‌تا نها که‌سوکارێن وان ڕه‌ڤاندینه و ئه‌م وان هه‌میا پشتڕاست دکه‌ین کو هه‌تا ڕه‌ڤاندیه‌ک ئێزی مابیت، دێ لسه‌ر هه‌ولا ڕزگارکرنا وان و دیارکرنا چاره‌نڤیسێ وان به‌رده‌وام بین. جه‌ما ل هه‌وه هه‌میا پیرۆز بیت. هه‌رسال ب خێر و خۆشی.
